Ukrainski desant vysadziŭsia na levym bierazie Dniapra pad Chiersonam
Infarmacyja pra heta źjaviłasia ŭ rasijskich šavinistyčnych telehram-kanałach.
Miesca vysadki desantu, pa infarmacyi rasijskich kanałaŭ
«Praciŭnik kala 9-j ranicy 31 studzienia 2023 hoda na troch łodkach vysadziŭsia na naš bierah Dniapra, zamacavaŭsia ŭ najbližejšych damach. Pa praciŭniku prosta ciapier pracuje naša reaktyŭnaja i stvolnaja artyleryja, miascovaść prystralanaja», — paviedamlaje kanał «Dva majora».
Heta ŭžo nie pieršaja sproba ŭkrainskaj armii zachapić płacdarm na levym bierazie Dniapra i pramacać rasijskuju abaronu. U adnoj z raniejšych sprobaŭ brali ŭdzieł i dobraachvotniki-biełarusy, jakija vajuiuć u padparadkavańni Hałoŭnaha ŭpraŭleńnia raźviedki Ministerstva abarony Ukrainy.
Rejdy na levy bierah pakazvajuć, što inicyjatyva ŭ hetaj zonie zastajecca ŭ rukach ukrainskaj armii.
