Abmundziravańnie pryjšło ŭ nieprydatnaść, vošy i karosta. Rodnyja rasijskich mabilizavanych paskardzilisia Pucinu
Žonki i maci mabilizavanych z 394 i 143 pałkoŭ Prymorskaha kraju paskardzilisia Pucinu na toje, što ŭ sałdat zavialisia vošy i karosta, miedycynskaj dapamohi niama.
Skryn videa
Pa słovach žančyn, ich svajaki trapili na pieradavuju va Ukrainie na pačatku kastryčnika i znachodziacca tam biez zamieny čatyry miesiacy.
U ich niama mahčymaści zachoŭvać asabistuju hihijenu, tamu ŭ ich zavialisia vošy i pačałasia karosta, naležnaja miedycynskaja dapamoha nie akazvajecca, abmundziravańnie pryjšło ŭ nieprydatnaść, a novaje nie dastaŭlajecca.
Žančyny paprasili Pucina dać mabilizavanym zamienu na froncie, kab jany mahli pryjechać u adpačynak.
U zvarocie žančyny paviedamlajuć, što rodnych mabilizavanych na miascovym uzroŭni nichto nie čuje, a ŭ telehram-kanale hubiernatara ich błakujuć.
Tradycyjna dla svajakoŭ rasijskich vajskoŭcaŭ žančyny nie patrabujuć spynić vajnu, nie staviać pad sumnieŭ jaje metazhodnaść, nazyvajuć vajnu śpiecyjalnaj vajskovaj apieracyjaj, kažuć, što ich «chłopcy vykonvajuć svoj abaviazak z honaram i advahaj».
