Znajści
Ałharytmičny łacinski varyjant
30.01.2023 / 23:17RusŁacBieł

Biełarusy stali pieravodzić hrošaj za miažu ŭdvaja mienš

Hrašovyja pieravody biełarusaŭ za miažu praz dastupnyja mižnarodnyja sistemy pieravodaŭ u IV kvartale 2022 hoda skaracilisia amal udvaja ŭ paraŭnańni z papiarednim kvartałam, paviedamili vydańniu Office Life ŭ Nacyjanalnym banku.

U kastryčniku — śniežni biełarusy pieraviali za miažu amal 43,6 młn dalaraŭ u ekvivalencie, u toj čas jak u papiarednim kvartale było amal 79,4 młn dalaraŭ. Mienš było tolki ŭ I kvartale hoda — zvyš 40,8 młn dalaraŭ.

Skaraciłasia i siaredniaja suma pieravoda — z 525,26 dalara da 267,99 dalara.

Pry hetym u atrymańni srodkaŭ z-za miažy dynamika inšaja: ź siaredziny hoda idzie pastupovaje źnižeńnie. Kali ŭ II kvartale było 115,2 młn dalaraŭ, to ŭ III — 59,3 młn dalaraŭ, u IV — 49,2 młn dalaraŭ.

A voś prykmietnaj źmieny ŭ sumach tut nie adbyłosia: u siarednim na praciahu hoda biełarusam pieravodzili 298,44 dalara.

Miarkujučy pa sistemach, praź jakija pastupali hrošy, havorka idzie ŭ asnoŭnym pra pieravody ŭ Rasiju i krainy SND, bo vykarystoŭvalisia sistemy pieravodaŭ «Junistrym», «Załataja Karona», Money Gram, Contact, «Śbierbank Anłajn».

Akazańnie pasłuh sistemami Ria Money Transfer i Western Union na terytoryi Biełarusi prypyniena.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera