Jurystu Jaŭhienu Papakulu dali hod kałonii
28-hadovaha jurysta Jaŭhiena Papakula asudzili da hoda pazbaŭleńnia voli ŭ kałonii ahulnaha režymu. Prysud ahučyŭ 24 studzienia sudździa Dźmitryj Karsiuk u sudzie Centralnaha rajona Minska, paviedamlaje «Viasna».
Mužčynu pryznali vinavatym pavodle č. 1 art. 342 Kryminalnaha kodeksa za ŭdzieł u troch maršach u žniŭni-kastryčniku 2020 hoda. U sudzie jamu pastavili ŭ vinu toje, što jon nieadnarazova vychodziŭ na prajeznuju častku i nie prysłuchaŭsia da patrabavańniaŭ milicyjantaŭ spynić udzieł u mirnych schodach.
Viadoma, što Jaŭhien Papakul, jaki byŭ zatrymany ŭ žniŭni 2022 hoda, pryznaŭ vinu.
«Minsktrans» zajaviŭ pazoŭ pra kampiensacyju materyjalnaj škody ŭ pamiery bolš za 47,7 tysiačy rubloŭ, jon budzie razhledžany ŭ miežach hramadzianskaj vytvorčaści.
