Rykard Joźviak: ES na hetym tydni maje ŭzhadnić novyja sankcyi suprać Biełarusi
Na hetym tydni Jeŭrasajuz pavinien uzhadnić čarhovy pakiet sankcyj suprać biełaruskaha režymu, paviedamiŭ u sacsietkach brusielski karespandent «Radyjo Svaboda» Rykard Joźviak.
Raniej u ŚMI paviedamlałasia, što pad novyja sankcyi trapiać tavary i technałohii padvojenaha pryznačeńnia, jakija mohuć być vykarystanyja ŭ vajennych metach. Taksama pad abmiežavańni trapiać cełyja siektary ekanomiki — nafta, vuhal, stalovaja pradukcyja i zołata. Akramia taho, sankcyi, jak miarkujecca, zakranuć avijacyjny i enierhietyčny siektary krainy.
Raniej anałahičnyja sankcyi ES uvioŭ suprać Rasii.
Praz paru tydniaŭ, jak piša Joźviak, Jeŭrasajuz płanuje pradstavić i dziasiaty pakiet sankcyj suprać Rasii. Ich płanujuć uzhadnić da pieršaj hadaviny poŭnamaštabnaha ŭvarvańnia Rasii va Ukrainu.
