Recept na vychadnyja. Varanyja hrušy z šakaładnym sousam — vytančanaja strava na asablivyja nahody

Fota: cookipedia.co.uk

Kab zhatavać varanyja hrušy z šakaładnym sousam, vam spatrebicca:

• 6 cełych ihruš, ačyščanych ad skurki i siaredzinki (pakińcie chvościk dla padačy)
• 750 mililitraŭ čyrvonaha vina
• 325 hramaŭ cukru
• 1 maleńkaja pałačka karycy
• 1 razdrobleny struk vanili (možna zamianić na 15 hramaŭ vanilnaha cukru ci 1—2 hramy vanilinu)
• 1 nievialikaja halinka vymytaha čabaru
• 3 zorački anisu
• pałova čajnaj łyžki ciortaha muskatnaha arechu
• 75 hramaŭ ciomnaha šakaładu, narezanaha kavałačkami
• 75 hramaŭ niechałodnaha masła
• 75 hramaŭ viarškoŭ tłustaściu 30 ci 35%
• 75 hramaŭ kakava-parašku
• 75 hramaŭ vady

1. Nalicie ŭ vialikuju kastrulu vino, dadajcie 250 hramaŭ cukru, śpiecyi i čabor, daviadzicie da kipieńnia. Pamienšycie ahoń i pakładzicie ŭ kastrulu hrušy. Kali jany całkam nie pakrytyja vadkaściu, rehularna ich pieravaročvajcie.
2. Praz 30 chvilin dastańcie hrušy i adkładzicie ich ubok. Znoŭ daviadzicie vadkaść u kastruli da kipieńnia i varycie jaje, pakul sumieś nie zahuścieje da stanu siropu.
3. Kab zhatavać sous, pakładzicie ŭ kastrulu masła, viarški, reštki cukru, kakava-parašok i zalicie vadoj. Nahravajcie sumieś na małym ahni i adnačasova pamiešvajcie, pakul jana nie stanie bolš-mienš adnarodnaj. Nahravajcie sous jašče 5 chvilin, pakul jon trochi nie zahuścieje.
4. Pierad padačaj palicie hrušy šakaładnym sousam i, kali žadajecie, upryhožcie liścikami miaty.

Recept na vychadnyja. Chlebny pudynh ź jabłykami — aryhinalny i ekanomny

Što zdarycca z vašym ciełam, kali štodzień jeści hrušy

Recept na vychadnyja. Jabłyčna-hrušavy krambł — sakavity vosieński desiert

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

8

0

1

0

2

0