Novy prezident Čechii źbirajecca ź vizitam va Ukrainu
U niadzielu, 29 studzienia, Petr Paveł patelefanuje Uładzimiru Zialenskamu i abmiarkuje svoj vizit va Ukrainu, paviedamlaje telekanał ČT24.
Fota: Petr David Josek / AP
Paveł maje namier naviedać Kijeŭ razam z prezidentam Słavakii Zuzanaj Čaputavaj.
Petr Paveł — nataŭski hienierał u adstaŭcy. Zajmaje strohuju pazicyju ŭ dačynieńni da rasijskaha napadu na Ukrainu, vystupaje za zachodniuju aryjentacyju Čechii.
Jaho supiernikam na vybarach byŭ Andrej Babiš — były premjer-ministr, miljarder, ciapier lidar najbujniejšaj apazicyjnaj partyi. Niezadoŭha da vybaraŭ sud apraŭdaŭ jaho ŭ spravie ab machlarstvie z datacyjami ES.
Paveł nabraŭ u druhim tury prezidenckich vybaraŭ 58% hałasoŭ, Babiš — kala 42%.
Čechija — parłamienckaja respublika, ale fihura prezidenta maje vialiki ŭpłyŭ.
nu jak ža takomu krasaŭcu nie adznačycca pieršaj spravaj u Ilvovie?