Znajści
Ałharytmičny łacinski varyjant
28.01.2023 / 23:0423RusŁacBieł

Navoša: Pieramoha Aryny Sabalenka navat pad niejtralnym ściaham — redkaja nahoda dla samaśćviardžeńnia ludažernaj dyktatury

Viadomy miedyjamieniedžar, suzasnavalnik papularnych spartovych resursaŭ Tribuna.com i Sports.ru Dźmitryj Navoša aburyŭsia prapanovaj kiraŭnika Mižnarodnaha alimpijskaha kamiteta dapuścić rasijskich i biełaruskich spartoŭcaŭ da Alimpijady.

«Adchileńnie z-za pašparta nie adpaviadaje kaštoŭnaściam», — kaža kiraŭnik MAK Tomas Bach, i pramacvaje ciapier vadu idejaj «nu zhulajuć pucinisty/łukašysty na Alimpijadzie pad niejtralnym ściaham, što tut takoha».

Ja raskažu vam, što. Na siońniašnim prykładzie, Sabalenka i łukašystaŭ.

Pieramoha žycharki Štataŭ Aryny Sabalenka (domam jana ŭ intervju nazyvaje Majami) navat pad niejtralnym ściaham — redkaja nahoda dla samaśćviardžeńnia ludajedskaj dyktatury. Udały akampaniemient praklonam i pahrozam na adras tych, chto z dyktaturaj zmahajecca. A taksama pravajennaj, antyŭkrainskaj i antyzachodniaj rytoryki na ŭsich prapahandysckich resursach.

Dumaju, MAK i Tomas Bach dziejničajuć ź lepšych, idealistyčnych pamknieńniaŭ.

Vybuchaŭ z Łazany nie čuć, złačynstvy dyktatur nie źmiaščajucca ŭ hałavie (i tamu ihnarujucca jak tyja, što nie majuć dačynieńnia da spravy), vajna hłyboka na pieryfieryi ich śviadomaści. Prapanova Zialenskaha Bachu nanieści vizit u Bachmut — bolš čym kałambur. Heta praŭda dapamahło b kiraŭniku MAK zrazumieć bolš.

Sport nie prosta «moža» vykarystoŭvacca rasijskaj i biełaruskaj dyktaturami dla narmalizacyi nienarmalnaha, dla apraŭdańnia raniejšych złačynstvaŭ i płanavańnia novych. Jon budzie dla hetaha vykarystoŭvacca. Ciapier, kali dyktaturam terminova patrebnyja choć niejkija paćvierdžańni svajoj pravaty, choć niejkija pośpiechi, novyja resursy mabilizacyi, jon budzie vykarystany tolki tak», — napisaŭ Dźmitryj Navoša.

Siońnia Aryna Sabalenka vyjhrała Australian Open. Łukašenka i prapahandysty vykarystali heta napoŭnicu. I, zrazumieła, heta tolki pačatak. 

Taksama siońnia prezident Ukrainy Uładzimir Zialenski vystupiŭ suprać udziełu rasijan i biełarusaŭ u Alimpijadzie pad niejtralnym ściaham.

«Alimpijskija pryncypy i vajna — fundamientalna procilehłyja adno adnamu. Rasija pavinna spynić ahresiju i teror, i tolki paśla hetaha možna budzie kazać pra rasijski ŭdzieł u kantekście alimpijskaha ruchu», — zajaviŭ prezident Ukrainy.

Svoj post u telehram-kanale Zialenski supravadziŭ  sieryjaj fatahrafij razburanych załaŭ i futbolnych paloŭ, a taksama ŭkrainskich spartsmienaŭ, jakija trenirujucca tam.

Raniej kiraŭnik Mižnarodnaha alimpijskaha kamiteta Tomas Bach, razvažajučy ŭ kułuarach pra mahčymaści ŭdziełu Rasii ŭ Alimpijskich hulniach 2024 hoda, zajaviŭ, što adchileńnie spartsmienaŭ tolki z-za ich pašpartoŭ nie adpaviadaje kaštoŭnaściam i misii Alimpijskaj chartyi.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
Ennot/adkazać/
29.01.2023
Požałuj,  nu vy ,riebiata, koniečno žie uviedomili svojeho rukovoditiela na rabotie ,
čto protiv diktatora i vojny …
I piśma so svoim mnienijem razosłali v sootvietstvujuŝije orhany vłasti i haziety?
0
Požałuj/adkazać/
30.01.2023
Ennot, a kak žie. I uviedomlali, i pisali srazu v hubopik, čto javlajemsia libo čsirami, libo priamymi vrahami łukašienkovskoho hosudarstva i našiej rodnoj łukašienkovskoj vłasti. I dobrovolno prosim nas poviesiť na płoŝadi ili rasstrielať. No łučšie, koniečno, iz ohniemieta, kak Kim Čien Yn. PS. A vy iz tiech riebiat, kto jeŝie pomnit, čto takoje haziety?
0
Woodoo Cult /adkazać/
30.01.2023
¿?, U Ejsmant?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera