Znajści
Ałharytmičny łacinski varyjant
28.01.2023 / 12:368RusŁacBieł

Nasta Kudasava. Na hetym vuścišnym maršrucie. Vierš

Nasta Kudasava apublikavała ŭ siabie ŭ fejsbuku vierš.

Jana taksama napisała, što pasłužyła nahodaju dla napisańnia vierša.

«Čas ad času praz usie mury dalatajuć paŭnamiokami naviny z radzimy. I znoŭ robicca vuścišna. Samaje balučaje, kaniečnie, heta ŭśviedamleńnie, jak ža mnoha tych, chto hatovy radavacca čužomu horu, danosić na susiedziaŭ i vysłužvacca, kab z radaściu najchutčej zaniać miesca, vyzvalenaje ad «vorahaŭ narodu».

Nie viedaju, ci mahčyma budzie ŭvohule ŭ najbližejšyja hady pabudavać zdarovaje hramadstva na našaj terytoryi, navat paśla vyzvaleńnia. Bo časam takoje adčuvańnie, što vyzvalać nikoha i nie treba, im i tak dobra, jany tak žyvuć i buduć žyć dalej, a my — prosta niejki niešmatliki niekankurentazdolny padvid čałavieka, jaki musić vymierci, bo nie majem zuboŭ i jadu.

Kaniečnie, heta časovyja dumki, jany potym projduć, ale, mabyć, nie biezzvarotna, štości śvietłaje zatuchaje ŭ dušy pakrysie… Hety vierš ja napisała na raźvitańnie, jedučy ŭ maršrutcy z Rahačova ŭ Hdyniu, jašče ŭ žniŭni 2022 h., i publikavać nidzie nie źbirałasia. Mnie nie padabajecca jahony nastroj i intanacyi. A ciapier padumała, usio ž chaj budzie, dla historyi, nie chočacca chłusić sabie ni ŭ čym», — napisała jana.

Na hetym vuścišnym maršrucie
dla ščaścia bolš niama pryčyn
A vy — praciahvajcie, ščyrujcie,
pradaŭcy, zdrajcy, stukačy,
rupliŭcy podłaści, pajacy…
Idzicie pa majoj ziamli!
Lulajcie ŭ vašych lipkich palcach
maje lasy, maje pali.
Užo i ślozy mnie abrydli —
duša vaŭkom hladzić z prarech.
Ja zdań biazdomnaja.
Ja pryvid.
Ja cień la vaviłonskich rek.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
"adkul u ciabie takija vočy?" - pytaŭ jon mianie... chočaš maje vočy?/adkazać/
29.01.2023
vołookaja ž nie biełaruska

i chutčej za ŭsio tyja, kaho jana pieraličvaje

u jejnym radu
2
k+k≠k/adkazać/
29.01.2023
kamu ŭsio jašče niezrazumieła
čytajcie kłasikaŭ našych
jak to
Kupału, Kołasa i inšych

a Kudasava... nu
nie našaha peŭna plemieni-ziamli
0
Karl/adkazać/
09.07.2023
k+k≠k, ty j na bielaruskaj pisać navat nia možaš. Zajzdraść chcić ź ciabie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera