Znajści
Ałharytmičny łacinski varyjant
29.01.2023 / 11:455RusŁacBieł

Ad 30 kvadrataŭ. Jakija sučasnyja mikradamy pradajuć u vakolicach Minska

Pahladzieli, jakija malupasieńkija chatki prapanuje rynak nieruchomaści.

Panaramnaje akno i elektryčnaje aciapleńnie

Samy maleńki z vystaŭlenych na prodaž mikradamoŭ maje ahulnuju płošču ŭsiaho 30,3 m². Karkasny domik biez čystavoha adstrojvańnia acenieny na 29 900 dalaraŭ. 

Fota: tut i dalej Realt.by

Žyłaja płošča doma składaje 26,5 m², ź jakich 19 prypadaje na kuchniu-haścioŭniu. Aproč hetaha, u domie jość nievialiki asobny pakoj płoščaj 7,4 m². Dadatkovyja spalnyja miescy možna zładzić na «druhim» paviersie.

U dom praviedzienyja śviatło i vodapravod. Aciapleńnie pracuje ad elektryčnaści. Budynak staić na paleva-vintavym padmurku. Budynak uciepleny 15-santymietrovym słojem minieralnaj vaty — hetaha dastatkova, kab całkam zachoŭvać ciapło. 

Dom pradajecca razam z učastkam pamieram 11 sotak. Znachodzicca jon za 30 kiłamietraŭ ad Minska ŭ vioscy Ščoki, što niepadalok ad Putryšak i MKAD-2. 

Haściavy dom jak asnoŭny

U vioscy Drazdova, što ŭsiaho za 3 km ad MKAD, pradajecca draŭlany domik płoščaj 42 m². Za dom i ŭčastak płoščaj 15 sotak prosiać 160 tysiač dalaraŭ. Miesca vielmi ž dobraje — blizka da horada.

Miarkujučy pa apisańni, nievialički karkasny dom pradaŭcy razhladajuć chutčej jak časovaje žytło, u jakim možna pažyć, pakul nie pabudujecca inšy paŭnacenny katedž. Paśla čaho draŭlany domik z terasaj možna budzie pierarabić pad haściavy domik.

«Śvidravina, kanalizacyja miascovaja, haz pobač. Jość paleva-vintavy padmurak pad łaźniu», — havorycca ŭ apisańni da abjekta. Paznačany ŭzrovień hatoŭnaści abjekta — 90%.

Chata z kraju

Za 57 500 $ pradajuć dom 2022 hoda pabudovy całkam hatovy da pražyvańnia. Ahulnaja płošča adnapaviarchovaha doma 54 m², žyłaja 35 m². 

Dom pradajecca razam z meblaj i technikaj. Mieścicca jon u vioscy Michanavičy na ŭčastku pamieram 11 sotak. Adlehłaść doma ad Minska 17 kiłamietraŭ, pradaviec nazyvaje jaje «idealnaj». Učastak krajni, u domie nichto nie žyŭ.

Aproč kuchni-haścioŭni, u domiku jość asobny spalny pakoj. Pry nieabchodnaści jość mahčymaść sprajektavać jašče adzin izalavany pakoj — tak paznačana ŭ apisańni.

Aciapleńnie ŭ domie ad elektryčnaści, praviedziena 380 volt, jość śvidravina hłybinioj 38 mietraŭ, kanalizacyja miascovaja.

Dom z basiejnam

Za 89 500 dalaraŭ pad Minskam pradajuć śviežapabudavany dom, jaki hatovy da zasialeńnia. Ahulnaja płošča doma 55 m², žyłaja 38. Jość terasa.

Učastak pamieram 9 sotak užo dobraŭparadkavany, na im jość vuličny basiejn.

«Novy dom dla pastajannaha pražyvańnia z meblaj i technikaj dla nievialikaj siamji ŭ cichim prestyžnym miescy za 7 chvilinaŭ ad Minska. Nie dačnaje tavarystva, mahčymaść prapiski, a taksama pabudovy katedža bolšaha pamieru na ŭčastku», — havorycca ŭ apisańni da abjekta.

Žytło pradajecca razam z meblaj i technikaj. Na pieršym paviersie mieścicca kuchnia-haścioŭnia, sanvuzieł i saŭna. Druhi pavierch mansardnaha typu. 

«Jon šukaŭ jaho dva hady»

Za 89 800 $ pradajecca adnapaviarchovy dom u vioscy Kurnievičy Minskaha rajona. Ahulnaja płošča budynka 55 m², žyłaja 41. Pamier učastka 15 sotak. 

Dom pradajecca razam z meblaj i technikaj. U im jość kuchnia-haścioŭnia płoščaj kala 19 «kvadrataŭ» i dva spalnyja pakoi 10,5 m² i 11,2 m².

Dom pabudavany z hazasilikatnych błokaŭ. Z centralnych kamunikacyj tolki elektryčnaść, tamu, jak i ŭ bolšaści inšych varyjantaŭ, aciapleńnie ŭ domie pracuje ad elektryčnaści. Vada i kanalizacyja miascovyja. Z pryjemnych bonusaŭ — učastak znachodzicca ŭ pryvatnaj ułasnaści, pobač raście les.

Pradaŭcy doma za 30 kiłamietraŭ ad stalicy padyšli da apisańnia abjekta z tvorčaściu i razyšlisia amal na dźvie tysiačy znakaŭ.

Skrynšot z sajta realt.by

Čytajcie taksama: U 2022 hodzie ŭ Minsku nabyli rekordnuju kolkaść kvater 

Da 28 «kvadrataŭ». Jakija mikrakvatery pradajuć u Minsku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
trochi raźbirajusia/adkazać/
29.01.2023
heta zvyčajnaja bytoŭka-vahončyk - u ścienki panapchana minieralnaj vaty jak uciaplalnika. Dziaruć hrošy jak za katedž a čałaviek budzie žyć u "bytoŭcy"
0
vysoki dy3 aj n/adkazać/
29.01.2023
trochi raźbirajusia, zdraścia
pieršaja bytoŭka - heta ž ad 3%robim.baj
ci ja trochi nie raźbirajusia?
0
Maksim Dizajnier/adkazać/
30.01.2023
90% biełarusov živut v parallelnom mirie, nie znaja, čto domiki iz opiłok v miestnoj dierievienskoj zału stojat, kak dvie 4-ch komnatnych kvartiry v dvuchetažnom domie na ispanskoj rivjerie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera