«My vychodzili z płakatami «Braty-biełarusy, my z vami». Historyja zahinułaha ŭkrainca, jaki vajavaŭ popleč ź biełaruskimi dobraachvotnikami
Ukrainski vajar z pazyŭnym «Rusik» udzielničaŭ u raźviedavalnym rejdzie ŭ tył rasijskich vojskaŭ. Jamu było 33 hady. Jon vajavaŭ ź biełarusami, pra jakich kazaŭ, što jany, jak i ŭkraincy, ceniać svabodu i niezaležnaść svajoj radzimy.
Rusłan Kurulak (Abłomaŭ). Fota: Biełaruski dabraachvotnicki korpus
U paviedamleńni Biełaruskaha dobraachvotnickaha korpusu zahinuły nazvany Rusłanam Abłomavym. Jaho siabar Alaksiej raskazaŭ «Našaj Nivie», što sapraŭdnaje proźvišča mužčyny — Kurulak. Błytaninu tłumačyć tym, što ŭ siabra byŭ akaŭnt u sacyjalnych sietkach ź nikam «Abłomov», jakim karystaŭsia na froncie.
Rusłan z Žytomira, ale ŭ 2019 hodzie niadoŭha žyŭ u Biełarusi, dzie paznajomiŭsia ź biełaruskimi patryjotami. Pa viartańni na radzimu arhanizoŭvaŭ akcyi ŭ padtrymku biełaruskich palitviaźniaŭ.
«My vychodzili z płakatami «Braty-biełarusy, my z vami» i tak demanstravali svaju salidarnać, — zhadvaje Alaksiej. — Dla Rusłana było absalutna zrazumieła, što biełaruski narod i biełaruskaja ŭłada nie adno i toje ž».
Pavodle siabra, Rusłan słužyŭ razam ź biełarusami. Ź niekatorymi byŭ znajomy sa svajho niepraciahłaha pražyvańnia ŭ Biełarusi.
«Rusłan kazaŭ, što biełaruskija chłopcy byli jamu blizkimi pa duchu. Jany ceniać svabodu i niezaležnaść svajoj radzimy, jak i ŭkraincy, razumiejuć, što tolki razam my možam pieramahčy našaha ahulnaha voraha», — kaža Alaksiej.
Rusłan Kurulak byŭ futbolnym fanatam i vystupaŭ za adradžeńnie žytomirskaha kłuba «Paleśsie».
Padčas Revalucyi Hodnaści byŭ aktyŭnym jaje ŭdzielnikam. Udzielničaŭ u fanackich maršach niezaležnaści. Byŭ adnym z kiraŭnikoŭ žytomirskaha adździaleńnia arhanizacyi «Pravy siektar».
Na front Rusłan Kurulak pajšoŭ dobraachvotnikam u 2014 hodzie. Vajavaŭ u pałku «Azoŭ» da 2016 hoda. Paśla zvalnieńnia pracavaŭ na «hramadziancy». Ažaniŭsia. U siamji naradziłasia dačka.
Kali pačałosia poŭnamaštabnaje ŭvarvańnie Rasii va Ukrainu, viarnuŭsia ŭ vojska, znoŭ dobraachvotnikam. Pra jaho śmierć stała viadoma 26 studzienia.
Alaksiej udakładniaje, što Rusłan byŭ ciažka paranieny padčas apieracyi pad Novaj Kachoŭkaj i pamior u špitali. Kali jaho pachavajuć, pakul nieviadoma.
U noč z 23 na 24 studzienia hrupa śpiecyjalnaha pryznačeńnia HUR pry ŭdziele USU praviała raźviedavalny rejd u tył rasijskich vojsk u rajonie Novaj Kachoŭki. U apieracyi brali ŭdzieł bajcy Biełaruskaha dobraachvotnickaha korpusu.
Adzin z kamandziraŭ BDK Radzivon «Hiena» atrymaŭ ciažkaje ranieńnie i znachodzicca ŭ špitali. 27 studzienia ŭ siabie ŭ telehramie «Hiena» napisaŭ, što ŭ pačuvaje siabie dobra i ŭžo ŭ štabie.
«Ubić klin pamiž Łukašenkam i Pucinym. Dla Ukrainy heta stratehična važna», — kaža palitołah Andrej Kazakievič
Staś Karpaŭ: Dla taho, kab pierastać nienavidzieć biełarusaŭ, siaredniamu ŭkraincu spatrebicca prykładna ad 30 siekund da chviliny
Vizit Zianona Paźniaka va Ukrainu. Što viadoma i chto jaho supravadžaje
i chiba tapk pravilna pisać?
"Historyja ŭkrainca, jaki vajavaŭ popleč ź biełaruskimi dobraachvotnikami, i zahtnuŭ"
chiba nie tak? ja nie papraŭlaju. ja pytajusia
dačka vajskoŭca-maskoŭca. tak?
u našym kłasie adnojčy taksama źjaviŭsia adzin čarniavy-kučaravy chłopčyk. nam skazali, što jon typu ukrainiec... jon byŭ synam vajskoŭca. jon byŭ vyzvaleny ad uroku biełaruskaj movy..