Znajści
Ałharytmičny łacinski varyjant
27.01.2023 / 17:19RusŁacBieł

Karystalnikaŭ masava vykidaje i banić u Telegram. Što zdaryłasia?

Užo kala tydnia ŭ vialikaj kolkaści karystalnikaŭ nazirajecca prablema — ich vykidaje z akaŭntaŭ na ŭsich pryładach i dadaje ŭ spam-listy. Razabralisia, što adbyvajecca.

U čym prablema?

Niadaŭna telehram pačaŭ vykidać akaŭnty z usich pryładaŭ adnačasova, to-bok, advolna zakryvać usie sieansy akaŭnta. 

Takim čynam, ludzi, jakija pierastali karystacca starym numaram telefona abo zhubili parol «dvuchfaktarki», prosta hublajuć akaŭnt.

A vialikaj kolkaści tych, chto paśla zajšoŭ u akaŭnty, zabaroniena pisać nie śpisu kantaktaŭ. Zvaroty ŭ SpamBot i padtrymku nie dapamahajuć.

Pry jakich abstavinach heta adbyvajecca?

Miarkujučy pa ŭsim, pamyłkova. Ludzi z apytanych nami, jakija sutyknulisia z prablemaj, mieli bolš za adzin akaŭnt na pryładzie i, što važniej, sprabavali pisać niekamu, u kaho jany nie byli ŭ kantaktach.

Takim čynam, imavierna, heta ŭnutranaja pamyłka antyspam-sistemy telehram (mahčyma, źviazanaja z teściravańniem novaj sistemy).

Jak abaranić svoj akaŭnt?

  • Da aficyjnaha tłumačeńnia ad telehrama i paviedamleńniaŭ pra toje, što prablema źnikła, pastarajciesia nie pisać z važnych dla vas akaŭntaŭ ludziam, jakija nie dadali vas u kantakty.
  • Pryviažycie da akaŭntaŭ dziejnuju sim-kartu, kab mieć mahčymaść atrymać na jaje sms i adnavić akaŭnt. Kali akaŭnt pryviazany da virtualnaha numaru, maralna padrychtujciesia da taho, što vy možacie chutka jaho zhubić i pradumajcie płan dziejańniaŭ na hety vypadak.
  • Pierakanajciesia, što vy ŭklučyli dvuchfaktarnuju aŭtentyfikacyju — u vypadku straty akaŭnta, vašy danyja buduć u biaśpiecy.
  • Kali vaš numar aktyŭny, pierakanajciesia, što vy pamiatajecie parol dvuchfaktarnaj aŭtentyfikacyi abo što ŭ vašym mieniedžary parolaŭ zachoŭvajecca aktualny parol.
  • Inicyjatyva CyberBeaver raić taksama adklučyć lišnija staryja siesii ŭ naładach, kab adviazać vaš akaŭnt ad starych pryład — u vypadku, kali vy ŭsio ž jaho stracicie, na ich budzie mienš vašych danych.

My zabylisia pra niešta ci niečaha nie ŭličyli? Možacie palepšyć našy parady? Kali łaska, pišycie nam: na e-mail ([email protected] ci [email protected]), u Telegram (kantaktny akaŭnt — nn_editor, paśla historyju čata lepš vydalić) abo ŭ kamientary pad hetym artykułam. 

«Naša Niva» — bastyjon biełaruščyny

PADTRYMAĆ

Čytajcie taksama:

Važna viedać. Jakim čynam represiŭnyja orhany dastajuć užo vydalenuju infarmacyju z Telegram i što možna z hetym zrabić?

Viber narešcie stvaryŭ dvuchfaktarnuju aŭtentyfikacyju. Raspaviadajem, jak jaje naładzić — pakažycie heta starejšym ludziam

Jak abaranić siabie i svoj akaŭnt u WhatsApp: pakrokavy hajd

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera