Znajści
Ałharytmičny łacinski varyjant
26.01.2023 / 22:1718RusŁacBieł

«Jeŭropie patrebna demakratyčnaja Biełaruś». Niamiecki deputat vystupiŭ z mocnaj pramovaj u Bundestahu

Deputat niamieckaha Bundestaha Robin Vahienier, simvaličny «chrosny» palitźniavolenych Ihara i Darji Łosik, vystupiŭ z mocnaj pramovaj u Bundestahu, piša «Viasna».

Skrynšot ź videa

Robin Vahienier raspavioŭ historyju Paŭlinki, čatyrochhadovaj dački Ihara i Darji Łosik, a taksama zaklikaŭ u hety ciažki čas, kali ŭvieś śviet dapamahaje Ukrainie, nie zabyvacca pra Biełaruś i pra biełaruskich palitviaźniaŭ:

«Ja vielmi ŭdziačny za rašeńnie Jeŭrasajuza akazać Ukrainie takuju mocnuju padtrymku. I davajcie taksama padtrymajem biełaruski demakratyčny ruch i budziem padtrymlivać jaho tak doŭha, jak heta budzie nieabchodna.

Heta było i zastajecca pravilnym krokam: vydača humanitarnych viz tym, kaho pieraśleduje režym, padtrymka prymusova vyklučanych studentaŭ i zvolnienych navukoŭcaŭ, a taksama niezaležnych srodkaŭ infarmacyi.

Łukašenka i jaho pasłuhačy musiać pajści pad sud za svaje złačynstvy.

Ź jakoj by strohaj krytykaj režymu my ni vystupali, nam treba vyrazna pakazać, što značać dla nas tyja, chto sapraŭdy staić za Biełaruś. Heta śmiełyja ludzi biełaruskaj hramadzianskaj supolnaści, heta tyja, chto, zastajučysia ŭ Biełarusi, va ŭmovach vialikaj niebiaśpieki abo ŭ vymušanym vyhnańni viadzie baraćbu za svabodu krainy i za demakratyju.

Takoj, bieł-čyrvona-biełaj Biełarusi, patrebnaja naša poŭnaja padtrymka. I z hetaj pryčyny my nie možam adstupicca, my i dalej musim patrabavać vyzvaleńnia palitviaźniaŭ.

Heta naš doŭh pierad Paŭlinaj. Dzieciam patrebnyja baćki. Jeŭropie patrebna demakratyčnaja Biełaruś. Jeŭropie patrebna volnaja Ukraina. Ludziam patrebna svaboda», — skazaŭ Vahienier pad apładysmienty kaleh.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Vasil/adkazać/
27.01.2023
Deputat ad partyi "Zialonych".
1
Maksim Dizajnier/adkazać/
27.01.2023
Čto tam?Opiať ozabočiennosť?My vas lubim, no sankcii v hrivu?
0
Bunt, bunt, bunt sind alle meine Kleider, bunt, bunt, bunt ist alles was ich hab/adkazać/
27.01.2023
nu Grüne - heta zialonyja. a nie toje, što vy padumali)
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera