Znajści
Ałharytmičny łacinski varyjant
25.01.2023 / 18:5321RusŁacBieł

Archijepiskap Huryj skazaŭ pra «biesaŭski charaktar» ukrainskaj ułady i vykazaŭsia za «ŭźjadnańnie tryadzinaj Rusi»

Archijepiskap Navahradski i Słonimski Huryj, dajučy intervju jeparchijalnamu sajtu, zajaviŭ, što maryć pra adnaŭleńnie «tryadzinaj Rusi», a taksama rezka vykazaŭsia suprać palityki sučasnaha ŭkrainskaha kiraŭnictva.

Padčas intervju supracoŭnik sajta nahadaŭ jepiskapu pra niejkaje «praroctva manachaŭ ukrainskaj Śviatahorskaj łaŭry», jakoje nibyta abviaščaje, što «ŭźjadnańnie tryadzinaj Rusi nastupić roŭna praz paŭhoda, jak tolki jeretyki i raskolniki zachopiać Kijeva-Piačerskuju i Pačajeŭskuju łaŭry».

Na pytańnie, «niaŭžo takoje mahčyma», Huryj adkazaŭ: «Daj boh, kab heta praroctva ab tryadzinaj Rusi zbyłosia».

Taksama hety viadomy svajoj prarasijskaj pazicyjaj jepiskap abvinavaciŭ Zachad i ŭkrainskaje kiraŭnictva ŭ atacy na pravasłaŭje i «ŭsio ruskaje». I ŭvohule nie škadavaŭ epitetaŭ na ich adras:

«Siońnia palityčnaja ŭłada Ukrainy, uvasablajučy ŭ žyćcio daŭnija płany suśvietnaha zakuliśsia, sprabuje raschistać asnovy pravasłaŭja», — skazaŭ Huryj.

«U asnovie imknieńniaŭ kirujučaj «elity» — nieapahanstva, pryčym nosić jano adkryta biesaŭski charaktar», — ličyć jon.

Jon abrynuŭsia na toje, što va Ukrainie nibyta pašyrajucca kulty Ściapana Bandery, Symona Piatlury, Ramana Šuchieviča i Ivana Maziepy, paraŭnaŭšy toje, što nibyta adbyvajecca, z savieckim časam: 

«Usio heta nie novaje. Nie tak daloka jašče toj čas, kali zakryvali chramy i manastyry, śviataroŭ źniavolvali ŭ turmy. Vorah rodu čałaviečaha naśmiejvaŭsia, ličačy, što, razburyŭšy carkvu, jon satre jaje z tvaru ziamli. Ściraŭ, padryvaŭ, razburaŭ, ale Carkva Chrystova tolki ŭmacoŭvałasia».

«Kali razburajuć iścinnuju kananičnuju Carkvu, jakaja viadzie pierajemnaść ad apostałaŭ, — čakaj pakarańnia. Heta nie žarty — zmahacca z Boham, iści jamu nasupierak», — pryjšoŭ jon da zaklučnaj vysnovy. 

Vyšejšaja ijerarchija Ruskaj Pravasłaŭnaj Carkvy, jepiskapam jakoj jość Huryj, z samaha pačatku vajny Rasii suprać Ukrainy zajmaje prarasijskuju i pravajennuju pazicyju, pra što šmat razoŭ adkryta vykazvaŭsia sam patryjarch Kirył. Biełaruski jepiskapat na čale ź mitrapalitam Vienijaminam takoj pazicyi, prynamsi, nie piarečyć, a najbolš aktyŭnyja ijerarchi nakštałt Huryja i aktyŭna padtrymlivajuć.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Źmitrok Mahiloviec/adkazać/
26.01.2023
Biesy bačać vakoł "biesaŭ", kab advieści ad siabie padozru. Znajomy pryjomčyk.
0
"niepravilnyj" kacap/adkazać/
26.01.2023
Hryška, tak, sapraudy, ale v takim razie pavinny być jakija niebudź kamientary ad Našaj nivy, bo tak vyhladaje, jak byccam usia taja istinno biesovskaja chłuśnia prauda, bo niema nijakich vysnou redakcyi. Kaniešnie ja to čytajučy mahu zrazumieć ab havorka, ale maja dačka, jakaja jašče źjaulajecca padletkam i čytaje hety artykuł, pytaje mianie - papa a što takoje "tri jedinaja Ruś", pačała šukać tyja "praroctvy", bo budučy padletkam vieryć jašče u cuda. Nu i navošta joj taja infa? Navošta mnie to joj tłumačyć hety bried
0
Hryška /adkazać/
26.01.2023
"niepravilnyj" kacap, Vy majecie racyju, druža. Aŭtary ci redaktary «Našaj Nivy» pavinny davać bolšy kantekst, kali pišuć pra rasiejski impieryjalizm i kalanijalnuju prapahandu ŭ carkvie dy ŭ inšych miescach. Prykład: «Hetaja tryadzinaja idealohija — heta rasiejskaja imperskaja kancepcyja, jakaja admaŭlaje identynaść, histaryčnaje raźvićcio j samavyznačeńnie biełarusaŭ i ŭkraincaŭ. Pavodle falšyvych tak zvanych praroctvaŭ...» i h.d.

Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera