Znajści
Ałharytmičny łacinski varyjant
25.01.2023 / 19:55167RusŁacBieł

Dypłamatyčnyja krynicy: Ukraina błakuje ŭdzieł Cichanoŭskaj i biełarusaŭ u sumiesnych dypłamatyčnych mierapryjemstvach 

Heta vyhladaje častkaj kułuarnych damoŭlenaściaŭ Kijeva i Łukašenki abo sprobaj adhadać žadańni apošniaha. 

Cyrymonija ŭšanavańnia pamiaci paŭstańnia 1863—1864 hadoŭ u Vilni z udziełam prezidenta Litvy Hitanasa Naŭsiedy i lidarki demakratyčnych siłaŭ Biełarusi Śviatłany Cichanoŭskaj. 22 studzienia 2023. Fota: Ofis Śviatłany Cichanoŭskaj

Jeŭrapiejskija dypłamaty źviarnuli ŭvahu «Našaj Nivy» na toje, što apošnim časam Ukraina paśladoŭna błakuje ŭdzieł Śviatłany Cichanoŭskaj, a taksama pradstaŭnikoŭ biełaruskaha hramadstva ŭ sumiesnych ź jeŭrapiejcami mierapryjemstvach. 

Heta vyhladaje častkaj kułuarnych damoŭlenaściaŭ Kijeva i Łukašenki abo sprobaj adhadać žadańni apošniaha. 

«Pakul Ukrainie jość na čym hulać, kab chacia b tearetyčna strymlivać Łukašenku ad naroščvańnia abjomaŭ svajho ŭdziełu ŭ vajnie, jany sprabujuć heta rabić. Što jon ich nieadnarazova padmanvaŭ, heta ŭ ciapierašniaj situacyi nie ŭličvajecca. Pakul jość choć kropla nadziei, jak kažuć», — skazaŭ nam surazmoŭca. 

Z faktaŭ: Cichanoŭskaj, u adroźnieńnie ad minułaha hoda, u 2023-m nie było na samicie Lublinskaha trochkutnika.

Lublinski trochkutnik — heta takaja dypłamatyčnaja placoŭka, zasnavanaja Polščaj, Ukrainaj i Litvoj, kudy ŭ 2021-m Śviatłanu Cichanoŭskuju zaprasiŭ jakraz ministr zamiežnych spraŭ Ukrainy Dźmitryj Kuleba. 

Paźniej jon ža vykazaŭsia ŭ duchu taho, što biez demakratyčnaj Biełarusi farmat źjaŭlajecca niapoŭnym i maje vyraści ŭ čatyrochkutnik. 

Ale hetym razam Cichanoŭskuju nie zaprašali, choć raniej jana tam byvała.

«Dla parušeńnia tradycyi i niaŭdziełu ŭ samicie mieŭsia być mocny arhumient, jaki moh zychodzić tolki ad Ukrainy», — skazaŭ nam dypłamat. 

Z hetaha ž šerahu padziej: nieprykmietnaja prysutnaść Cichanoŭskaj na aficyjnaj častcy adznačeńnia 160-ch uhodkaŭ paŭstańnia 1863 hoda ŭ Varšavie.

«Cichanoŭskaja prysutničała na aficyjnaj častcy, ale joj nie dali słova. U začytanym liście Zialenskaha nie była zhadanaja Biełaruś, što stała svajho rodu demanstratyŭnaj prajavaj śviadomaha ihnaravańnia, bo biełaruski teatr bajavych dziejańniaŭ byŭ značny ŭ tym paŭstańni. Va ŭsim hetym možna bačyć tendencyju», — skazaŭ dypłamat. 

Surazmoŭcy bačać u hetym častku damovy z Łukašenkam, jaki ŭžo šmat razoŭ dakazvaŭ Ukrainie svaju «nadziejnaść» i canu svajho słova. 

«Ukraincy błakujuć udzieł biełarusaŭ — nie tolki Cichanoŭskaj, paŭsiul, dzie mohuć, heta praŭda», — dadaŭ inšy abaznany surazmoŭca z šerahu jeŭrapiejskich dypłamataŭ. 

Pazicyja Polščy i Litvy adnosna Biełarusi i statusa Śviatłany Cichanoŭskaj nijak nie źmianiłasia, ale jany vymušanyja ŭličvać pažadańni Kijeva na supolnych z Ukrainaj mierapryjemstvach.

Śviatłanu Cichanoŭskuju prymali na vysokim uzroŭni ŭ bolšaści stalic krain Jeŭrasajuza, ale nie ŭ Kijevie. 

Miarkujučy pa dziejańniach biełaruskich uładaŭ, Alaksandr Łukašenka zakłapočany jak najaŭnaściu ŭ jaho praciŭnikaŭ adzinaha centra i adzinaha lidara, tak i stvareńniem dobraachvotnickich farmavańniaŭ z dośviedam bajavych dziejańniaŭ. U vypadku asłableńnia Rasii, jaje paražeńnia va Ukrainie, i pieršaje, i druhoje moža mieć dla biełarusaŭ značeńnie.

Ukraina pačała rychtavacca da ŭvarvańnia Rasii jašče ŭ listapadzie 2021 hoda, ale nie čakała, što napad budzie i ź Biełarusi, pryznavaŭ sakratar Rady nacyjanalnaj biaśpieki i abarony Ukrainy Alaksiej Daniłaŭ.

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Kaby što?/adkazać/
27.01.2023
Zdrada, bliskučaja zaŭvaha! Ŭ samuju dziubu. Pieršaja biełaruskaja dziŭnyja sračy inšy raz zaciavaje. Dziela čaho?
0
Dzianis/adkazać/
27.01.2023
Nik, ja žyŭ u Lvovie 1,5 hoda i mieŭ pośvidku na timčasovie proživańnia. u tym liku paŭhoda vajny. tak što idzi hulaj Vasia sa svajoj "rukoj Kramla"
0
daviedka/adkazać/
27.01.2023
Nie płačtie!, spuściciesia na ziamlu. Jakaja miśsija?! Akramia moli ŭ SB AAN jość čajna s pravam vieta na lubuju vajskovuju apieracyju suprać Biełarusi, bo ŭ samich…. a ŭ rašku navat nie palezie nichto. Dy i putler nie fakt što syjdzie, pra łuku i kazać niama čaho
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera