Biełarusy ŭziali ŭdzieł u načnym rejdzie ŭ tył rasijanam u Novaj Kachoŭcy. Jość straty
U noč z 23 na 24 studzienia hrupa śpiecyjalnaha pryznačeńnia HUR pry ŭdziele USU praviała raźviedvalny rejd u tył voraha ŭ rajonie Novaj Kachoŭki.
Jak paviedamlaje HUR MA Ukrainy, hrupa pierapraviłasia cieraz raku i vysadziłasia na supraćlehłym bierazie. Tam vajskoŭcy hranatamiotnymi strełami źniščyli dom, u jakim znachodziŭsia kamandny punkt.
Paviedamlajecca, što rasijanie ŭ adkaz pryciahnuli bajavyja reziervy: padraździaleńnie sił śpiecyjalnych apieracyj, avijacyju i braniatechniku. Śćviardžajecca, što akupanty panieśli značnyja straty ŭ asabovym składzie i technicy.
Jak paźniej paviedamiŭ Biełaruski dobraachvotnicki korpus, jaho bajcy brali ŭdzieł u rejdzie. Na žal, z boku BDK jość straty.
Taksama adzin z kamandziraŭ BDK Radzivon «Hiena» atrymaŭ ciažkaje ranieńnie i znachodzicca ŭ špitali.
