Znajści
Ałharytmičny łacinski varyjant
24.01.2023 / 21:36RusŁacBieł

Kali havorka pra šlub i hrošy, to supraćlehłaści pryciahvajucca

Šlub časta biaruć ludzi, čyje finansavyja pavodziny dyjamietralna supraćlehłyja, śćviardžajuć amierykanskija daśledčyki instytuta siamji.

My vybirajem partnioraŭ najpierš na asnovie supadzieńniaŭ i padabienstva — supolnych kaštoŭnaściaŭ, hustaŭ i zacikaŭlenaściaŭ. Adnak toje, jak čałaviek abychodzicca z hrašyma, — taja śfiera, kali supraćlehłaści pryciahvajucca, piša The Wall Street Journal.

Časta toj, chto adčuvaje, što zanadta zasiarodžany na aščadžańni i niedastatkova vykarystoŭvaje hrošy, kab atrymlivać asałodu ad žyćcia, moža šukać partniora, jaki pakaža jamu, jak pavodzicca i znachodzić vyjście ź situacyj, čas ad času rabić zališnija vydatki — ale pry hetym mieć lepšuju jakaść žyćcia.

Kali muž i žonka ŭmiejuć damaŭlacca i prychodzić da zhody, to z časam jany stanoviacca ŭsio bolš padobnymi adno da adnaho. U pryvatnaści, marnatraŭcy, žanatyja sa sknarami, časta vučacca znachodzić załatuju siaredzinu, kaža daśledčyk siamiejnych finansaŭ Skot Ryk, prafiesar markietynhu Mičyhanskaha ŭniviersiteta.

Šluby, dzie sužencam nie ŭdajecca damovicca nakont finansaŭ, — niaŭstojlivyja i niaredka skančajucca razvodam.

Kali 33-hadovaja mieniedžarka Krysten Džejms pačała sustrakacca sa svaim ciapierašnim mužam Benam, 35-hadovym suzasnavalnikam startapa, jana zaŭvažyła, što ŭ ich roznyja padychody da hrošaj. Spadar Džejms byŭ bolš schilnym da finansavaj ryzyki, Krysten addavała pieravahu kansiervatyŭnamu abychodžańniu z dachodam.

Adnak, pa słovach spadaryni Džejms, nijakaha kanfliktu nie adbyłosia, naadvarot: padychod muža stanoŭča paŭpłyvaŭ na jaje zvyčki. Paśla abmierkavańnia z Benam dziaŭčyna advažyłasia źmianić svaju karjeru — pierajści ŭ technałahičnuju halinu i ŭ vyniku atrymlivać bolš vysoki zarobak. Pavodle jaje słoŭ, biez padtrymki muža jana nie adčuvała b siabie ŭ biaśpiecy, ździajśniajučy takija vializnyja źmieny ŭ žyćci.

«Jon skazaŭ: «Ty kaštuješ značna bolš, čym zarablaješ» — i padšturchnuŭ mianie da bolšaj ryzyki i vyprabavańniaŭ», — kaža Krysten.

Sužency, jakija abmiarkoŭvajuć adroźnieńni ŭ svaich finansavych pierakanańniach, lepš zdolnyja prymać rašeńni razam, jakoj by stomnaj hetaja praktyka ni zdavałasia napačatku. Pakul dzieci śpiać na zadnim siadzieńni aŭtamabila, baćki analizujuć stan siamiejnaha biudžetu i praviarajuć prahres u dasiahnieńni doŭhaterminovych met.

Asnoŭnaja prablema, jakuju ekśpierty bačać na rańnim etapie adnosin: kožny z partnioraŭ zanadta časta havoryć pra toje, što druhi partnior nie pavinien rabić sa svaimi finansami — zamiest taho, kab abmiarkoŭvać, što jany chočuć rabić razam. Varta stavić ahulnyja mety i abmiarkoŭvać šlachi, jak hetych met dasiahnuć.

Takija abmierkavańni taksama praduchilajuć dysbałans ułady, pry jakim adzin z partnioraŭ pryznačaje siabie kiravać hrašyma, kaža Adryjan Uord, prafiesar markietynhu Techaskaha ŭniviersiteta ŭ Ościnie. Jon vyjaviŭ, što adzin z partnioraŭ časta biare na siabie adkaznaść za finansy nie tamu, što jon bolš daśviedčany, a tamu, što ŭ jaho ich bolš dla hetaha času. Unutrany finansavy kiraŭnik, jakoha prafiesar Uord nazyvaje «mieniedžaram chatniaj haspadarki», časta vyklučaje inšaha partniora z pracesu pryniaćcia rašeńniaŭ. Inšy čałaviek adčuvaje palohku, ale z časam jaho finansavaja piśmiennaść ciarpić.

Kab zastavacca na adnoj chvali ŭ finansavym płanie, Krysten i Ben Džejms štomiesiac ładziać schod pa siamiejnych finansach. Pa słovach spadaryni Džejms, razmovy pra ahulnyja pakupki i analiz vydatkaŭ dapamahajuć im trymać pierad vačyma šyrokuju karcinu.

«Kali vas dvoje, druhi čałaviek moža skazać: «Nie, my nie kupim novy dom ciapier» abo «My nie možam ciapier nabyć novuju mašynu» — jość inšy čałaviek, jaki zaŭsiody moža ciabie zaziamlić», — adznačaje Kirsten.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera