Znajści
Ałharytmičny łacinski varyjant
24.01.2023 / 09:271RusŁacBieł

Čamu zakryŭsia Prime Hall? Viadomaja adna ź viersij 

«Prajm Choł», jaki naležyć biznesmienu Paŭłu Tapuzidzisu, abviaściŭ pra svajo zakryćcio. Zakrycca jamu dapamahli pa ŭsioj «kłasicy žanru» z pažarnikami i kamunalnikami. Ale abaznanyja naziralniki vykazvajuć zdahadku, što niezvyčajny najezd na adzin ź biznesaŭ Tapuzidzisa — heta ŭkoł z boku «biznesmiena ŭdačy» Aleksina. 

Kancert u Prime Hall. Skrynšot ź instahrama kłuba

Pra detali kanfliktu pamiž Tapuzidzisam i Aleksinym my paviedamlali raniej. Kanflikt razhareŭsia na fonie sankcyj u dačynieńni da tytuniovaj, kalijnaj i drevaapracoŭčaj śfier — stała niemahčyma vazić kantrabandnyja cyharety, na rynku ŭźnikła pieravytvorčaść, i Alaksiej Aleksin pačaŭ vajavać z Tapuzidzisam (u jakoha taksama jość tytuniovaja fabryka) za ŭnutrany rynak. 

Čytajcie taksama: Aleksin dušyć Tapuzidzisa. I blizki da pośpiechu

«A stolki cyharet na ŭnutranym rynku nie treba — tamu Aleksin nie vielmi pa-džentelmiensku dušyć Tapuzidzisa, karystajučysia svaim upłyvam i blizkaściu da ŭpłyvovych asob na samym viersie», — raskazvali «Našaj Nivie» surazmoŭcy z tytuniovaj śfiery. 

Pieršym udaram na hetaj «vajnie» stała prałabiravanaje Aleksinym źmianšeńnie kvot na vyrab cyharet dla fabryki Tapuzidzisa.

Faktyčna, Tapuzidzis ciapier moža vyrablać roŭna stolki cyharet, kolki moža pradać u svajoj ułasnaj sietcy «Karona». I nie bolš. U inšyja sietki jaho nie biaruć. 

«Ale Tapuzidzis taksama viedaje, da kaho možna schadzić i paskardzicca na Aleksina, što tut možna zrabić i jak.

Tamu hetyja skarhi na «Prajm Chołł», zakryćcio — sihnały, što «davaj užo zakruhlacca, bo my i inšaje zakryjem», — takuju traktoŭku padziej my pačuli ad staličnych naziralnikaŭ. 

Abviestka ab zakryćci vialikaj kancertnaj zały «Prajm Choł», dzie pravodzilisia ŭ tym liku i mierapryjemstvy dla dziaržaŭnych arhanizacyj, źjaviłasia 15 studzienia. «Z techničnych pryčyn», — paznačana na sajcie. Numar telefona, ukazany jak kantaktny, nie adkazvaje, vyśvietlić detali techničnych pryčyn nam nie ŭdałosia. 

Čujucca taksama viersii ab «čysta palityčnych» pryčynach zakryćcia «Prajm Choła» ŭ jakaści svajho rodu prafiłaktyki. Ale niezrazumieła, što mahło b pasłužyć pryčynaj. 

Apošnim časam «Prajm Choł» u sacsietkach rekłamavaŭ tolki vykanaŭcaŭ biez palityčnaj pazicyi: Buzavu, Maksim, «Otpietyje mošieńniki», «Striełki» i h.d. 

Chiba što razam z hetym u «Prajm Chole» prajšli bai MMA — u centry afišy mierapryjemstva było raźmieščanaje fota bajca Uładzisłava Navickaha, jaki paciarpieŭ za svaje pohlady i niejki čas pravioŭ u SIZA pa «narodnym» artykule 342 KK. 

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Josik/adkazać/
24.01.2023
Adkul stolki tytuniu zavoziać u Biełaruś? Voś što treba ŭklučyć u sankcyjny pakiet. Ja pamiataju, jak ruch pa praśpiekcie pierakryli, kali źnikła Astra. Tady ŭ kasach stadyjona Dynama pad pilnaj achovaj amapa pa dva pačaki cyharet na tvar adpuskali. Nacyja stanie zdaraviejšaj, albo lutaj.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera