HUBAZiK pachvaliŭsia, što nibyta złaviŭ čałavieka na fejkavuju rassyłku
Praŭładnyja telehram-kanały paviedamlajuć pra zatrymańnie Maksima Jermałoviča — mužčyna nibyta «pavioŭsia» na fejkavuju rassyłku siłavikoŭ, zroblenuju ad imia płana «Pieramoha», i napisaŭ, što hatovy «vykonvać zadańni».
Pavodle siłavikoŭ, suprać Maksima raspačataja kryminalnaja sprava «za suviaź z terarystyčnaj arhanizacyjaj».
«Bajpoł» 18 studzienia papiaredžvaŭ pra rassyłku infarmacyi z prapanovaj paćvierdzić svaju hatoŭnaść udzielničać u płanie «Pieramoha» i adpravić adpaviednaje paviedamleńnie na niesapraŭdny akaŭnt.
Arhanizacyja zaklikała nie pierachodzić ni pa jakich spasyłkach u takim paviedamleńni, nie adpraŭlać nijakich paviedamleńniaŭ u adkaz, zabłakavać akaŭnt, ź jakoha jano pryjšło.
Padkreślivajecca, što ŭsia aficyjnaja infarmacyja znachodzicca vyklučna ŭ aryhinalnym čat-bocie płana «Pieramoha», u kanale «Bajpoła», a taksama ŭ kanale Abjadnanaha pierachodnaha kabinieta Biełarusi.
