Kaciarynu Jańšynu departavali
Rasijskija pravaabaroncy paviedamlajuć, što ichniaja kaleha Kaciaryna Jańšyna paśla adbyćcia na Akreścina ŭ Minsku 15 sutak departavanaja ź Biełarusi.
Ciapier Jańšyna znachodzicca ŭ Maskvie ŭ aeraporcie, adtul jana źviazałasia sa svajačkaj. Usie jaje asabistyja rečy łukašenkaŭskija siłaviki pakinuli, pa jaje słovach, sabie.
Heta raspaŭsiudžanaja ŭ Biełarusi praktyka departacyi zamiežnych hramadzian — amal usich aryštantaŭ adrazu paśla vyzvaleńnia advoziać na miažu ci ŭ aeraport na samalot.
Raniej pra los Jańšynaj nie było źviestak. Kalehi, što mierylisia sustrakać jaje na vychadzie z Akreścina, Kaciaryny na vychadzie nie dačakalisia, a ŭciamnaj infarmacyi ad represiŭnych struktur taksama dabicca nie ŭdavałasia.
Kaciarynu Jańšynu zatrymali 5 studzienia na sudzie nad pravaabaroncami z «Viasny», na jakim jana prysutničała ŭ jakaści niezaležnaj naziralnicy. Paśla taho joj prysudzili 15 sutak administracyjnaha aryštu.
Čytajcie taksama:
Rasijskuju pravaabaroncu Jańšynu, zatrymanuju na sudzie nad «viasnoŭcami», nie mohuć znajści
Na sudzie pa «spravie «Viasny» zatrymali rasijskuju pravaabaroncu
