Znajści
Ałharytmičny łacinski varyjant
13.01.2023 / 23:292RusŁacBieł

«Alhierd užo nie toj»: na jutubie źjaviŭsia fajny prajekt pa historyi

Biełarusy zapuścili YouTube-kanał dla školnikaŭ, nastaŭnikaŭ i baćkoŭ, dzie viesieła i stylova, a hałoŭnaje — na rodnaj movie, — stvarajuć videaŭroki pa historyi Biełarusi. Kamanda prajekta pačała z 6-ha kłasa, ale ŭ płanach videa i dla inšych kłasaŭ, a taksama hulni i cikavyja fakty pra Biełaruś, piša CityDog.

U kamientaryi CityDog.io stvaralniki YouTube-kanała raskazali, što hałoŭnaja meta prajekta — heta «vyvučać historyju Biełarusi pa-biełarusku, jak by heta dziŭna ni hučała».

«Paśla peŭnych padziej šmat siemjaŭ raścierušyła z rodnych hniozdaŭ pa śviecie. Časta dzietki nie majuć mahčymaści vyvučać historyju Biełarusi ŭ tych škołach, dzie jany apynulisia. A viedać svaju historyju, my ličym, fundamientalna važna dla svajoj admietnaści i identyčnaści. Tamu my ź siabrami-adnadumcami sabralisia i vyrašyli rabić histaryčny prajekt na rodnaj movie, jaki budzie mieścicca na YouTube», — dzielacca aŭtary.

Pa słovach kamandy, metavaja aŭdytoryja prajekta — u pieršuju čarhu dzietki, jakija apynulisia pa-za miežami krainy i nie majuć naležnaj mahčymaści vyvučać historyju Biełarusi. Ale aŭtary videaŭrokaŭ spadziajucca, što i vučniam u biełaruskich škołach budzie cikava dałučycca.

«Chočam dahrukacca i da nastaŭnikaŭ, jakija pracujuć u škołach. Vierym u toje, što naš uniosak dapamoža im raznastaić ich vykładańnie materyjału», — spadziajucca aŭtary YouTube-kanała.

Dałučycca da prajekta možna ŭ instahramie i na jutubie, tym bolš što kamanda vielmi čakaje zvarotnaj suviazi, prapanoŭ i vodhukaŭ:

«Chto viedaje i pavažaje historyju, maje budučyniu. Tamu, jak toj kazaŭ, palec uvierch, ciśni zvanočak i nie zabyvajsia padpisacca na našu staronku. I ščaścia vam budzie ad mora da mora».

Čytajcie taksama:

Pahladzicie, jakaja pryhažość! Biełarus atrymaŭ «zołata» ŭ prestyžnym brytanskim konkursie za dyzajn upakoŭki picy

Pamiatajecie, Andruś Horvat ź siabrami nabyli zamak? Tut kłasny sposab ich padtrymać

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Hryška /adkazać/
14.01.2023
Dziakuj! Cudoŭnaja praca! Ludzi, maładyja dy staryja, pavinny viedać svaje karani. Biełaruskaja samapavaha zaležyć ad viedańnia našaje sapraŭdnaje historyi j spadčyny jak hodny narod.
2
Valadzimir/adkazać/
14.01.2023
Chto-niebudź patłumačcie, kali łaska, jakaja-takaja hłybokaja dumka (ideja) chavajecca za niedarečna-dziŭnaj nazvaj hetaha "histaryčnaha" prajekta "Alhierd užo nie toj...", a taksama za jahonaj dziŭnaj "afišaj" z malunkam fihury Vialikaha Litoŭskaha kniazia Alhierda, sidziačaj na... mamancie? Taksama vielmi dziŭna vyhladaje animacyjnaja zastaŭka da pieršaha raździełu prajekta "Najstaražytniejšyja ludzi na biełaruskaj ziamli", u jakim havorka jdzie pra nieandertalcaŭ i kramańjoncaŭ, ale na joj (zastaŭcy) čamuści toj samy malunak kniazia Alhierda viarchom na mamancie.  
Pakul što ŭ mianie skłałasia uražańnie, što voś hetkaje prymityŭna-"humarystyčnaje", raźličanaje na padletkaŭ, "aryhinalničańnie" darosłyja aŭtary prajekta ličać "viasiołym i stylovym", i ŭźnikła vialikaje padazreńnie, što jakraz jano dla ich źjaŭlajecca samametaj. A što da historyi, to vielmi padobna na toje, što pad hetaj šyldaj jany buduć "zalivać u hłuzdy" svaich maładych, i nie vielmi, słuchačoŭ jaje prafanacyjna-chłuślivuju "nievierojatnuju" traktoŭku. I, jak zdajecca, vykazanyja zdahadki pierakanaŭča paćviardžajuć samyja apošnija siekundy videarolika, kali prahučaŭ "aryhinalny" "žart" pra "čornuju pandu ź Niaśviža" z nastupnym chichikańniem maładzieńkich dziaŭčat.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera