Znajści
Ałharytmičny łacinski varyjant
30.01.2023 / 10:039RusŁacBieł

Kudy ŭkłaści svabodnyja 10 tysiač dalaraŭ? Adkazvajuć ekanamisty i pradprymalnik

«Naša Niva» pacikaviłasia ŭ ekśpiertaŭ, što rabić tym, chto maje 10 tysiač dalaraŭ i hatovy ich inviestavać.

«U svaju spravu — u halinie małoha servisnaha biznesu ci handlu»

Ekanamist Uładzimir Kavałkin ličyć, što 10 tysiač dalaraŭ — nie taja suma, inviestujučy jakuju, možna raźličvać na pasiŭny dachod. Tamu tym, chto maje svabodnyja 10 000$ i hatovy ich u niešta ŭkłaści, ekanamist prapanuje nastupnyja varyjanty. 

Fota: Petitions.by

1) Patracić hrošy na adukacyju i zdaroŭje. Na dumku Kavałkina, dadatkovaja adukacyja dazvolić vam zarablać bolš, a dobraje zdaroŭje dapamoža mienš vydatkoŭvać na miedycynu ŭ budučym.

2) Dla tych, chto hatovy inviestavać u svaju spravu, jon raić hladzieć u bok małoha servisnaha biznesu ci handlu. Ekanamist adznačaje, što siektar ramontu i adnaŭleńnia zaŭždy raście, kali padajuć realnyja zarobki ŭ krainie. Aproč akazańnia pasłuh, jon prapanuje pasprabavać ukłaści hrošy ŭ handal deficytnymi tavarami.

3) Inšym varyjantam, kudy možna inviestavać svabodnyja 10 tysiač dalaraŭ, Kavałkin nazyvaje vydatki na mihracyju ŭ inšuju krainu z bolš vysokimi zarobkami.

«Adkryć depazit u zamiežnaj valucie»

Ekanamistka Nastaśsia Łuzhina taksama nazyvaje try varyjanty, kudy možna ŭkłaści svabodnuju «dziasiatku».

Fota: asabisty archiŭ

1) Adkryć depazit u zamiežnaj valucie. 

2) Kupić ablihacyi ŭ nacyjanalnaj valucie.

3) Ukłaści svabodnyja hrošy ŭ tokieny, jakija vypuskajuć biełaruskija kampanii. Ich možna nabyć na Finstore jak u nacyjanalnaj, tak i ŭ zamiežnaj valucie.

«Kali my kažam pra Finstore, to tokieny — heta ŭ pryncypie tyja ž samyja ablihacyi, tolki z bolš prostym miechanizmam rehistracyi i mahčymaściu nabyćcia za zamiežnuju valutu, bo zvyčajnyja ablihacyi ŭ Biełarusi pradajucca tolki za rubli.

Ale kali my kažam pra tokieny, to razam z pavyšeńniem dachodu pavyšajecca ryzyka. Toj ža Minfin kaža, što patrabavańni dla vypusku tokienaŭ bolš słabyja ŭ paraŭnańni sa zvyčajnymi ablihacyjami. Viadomy vypadki, kali kampanija ŭžo nie maje prava vypuskać zvyčajnyja ablihacyi, ale praciahvaje vypusk tokienaŭ na Finstore. I choć vypadkaŭ masavych bankructvaŭ nie było, prablemy z vypłatami jak na zvyčajnym rynku ablihacyj, tak i na Finstore mieli miesca być», — kaža ekanamistka. 

Što datyčyć prybytkovaści, to mienavita apieracyi z tokienami najbolš vyhadnyja. Pracentnyja staŭki ŭ zamiežnych valutach časam navat pieravyšajuć adznaku ŭ 10%. 

Z ulikam biahučaj situacyi ŭ krainie i rehijonie, lepiej za ŭsio pryhladacca da karotkaterminovych inviestycyj, kab mieć mahčymaść chutka źmianić inviestycyjnuju stratehiju.

«Pieraviadzicie častku źbieražeńniaŭ za miažu»

Ekanamist Aleś Alachnovič ličyć, što ŭ ciapierašnich umovach u Biełarusi, mahčyma, lepš ničoha dadatkova nie zarabić, čym stracić svaje nakapleńni.

Fota: fejsbuk Alachnoviča

Tamu daje niekalki bazavych parad, jak zachavać hrošy. 

1) Nie trymać źbieražeńni ŭ adnoj valucie, a raźmierkavać, prynamsi, častku svaich źbieražeńniaŭ, u takija mižnarodna-kanviertoŭnyja valuty, jak dalar ZŠA, jeŭra, brytanski funt, šviejcarski frank. 

2) Nie trymać usie źbieražeńni ŭ adnym finansavym instrumiencie. Pasprabujcie dyviersifikavać hrošy, bo ŭ zaležnaści ad padziej u Biełarusi i rehijonie častka z hetych instrumientaŭ moža stać nielikvidnaj albo zamarožanaj. 

«Naprykład, kali raptam režymu budzie nie chapać valuty, na niejki čas (abo nazaŭsiody) jon moža zamarozić (abo adabrać) valutnyja depazity ŭ ludziej», — miarkuje ekśpiert.

3) Pieravieści častku svaich źbieražeńniaŭ za miažu, kab hetaja častka nie zaležała ad situacyi ŭ Biełarusi. A kali vam pryjdziecca chutka źjazdžać, u vas budzie «paduška biaśpieki» ŭ inšaj krainie.

«U dźvie kučki — i pad łožak abo ŭ bank»

Pradprymalnik i błohier Alaksandr Knyrovič raić u biahučych umovach nikudy nie inviestavać u Biełarusi.

Fota: Ofis Cichanoŭskaj

«My znachodzimsia ŭ situacyi, kali naša kraina praz try miesiacy, tydzień ci try dni moža paŭnavartasna ŭstupić u vajnu. Razumieńnie hetaha musić być hałoŭnym faktaram, jaki pavinien upłyvać na inviestycyjnyja pavodziny ludziej», — ličyć pradprymalnik. 

Va ŭmovach šalonaj turbulentnaści zamiest układańnia hrošaj u niejki biznes, kuplu akcyj ci ablihacyj Knyrovič raić ich prosta zachavać. 

«Ciapier u pieršuju čarhu pavinna być nie imknieńnie zarabić hrošy, a žadańnie ich źbierahčy», — zaŭvažaje jon. I nazyvaje dva prostyja šlachi.

1) Padzialić hrošy ŭ praporcyi 50/50 na jeŭra i dalary ZŠA i pakłaści ich pad łožak.

2) Tym, u kaho jość schilnaść ryzykavać, Knyrovič raić pakłaści hrošy na valutnyja depazity ŭ bank.

«Niejkich zamarozak i błakavańniaŭ valutnych srodkaŭ pakul nie pradbačycca, jak by my ni stavilisia da biełaruskich bankaŭ. Valuty ŭ krainie bolej čym dastatkova, tamu niejkija mietady nakštałt błakiroŭki valutnych rachunkaŭ pakul nie prahnazujucca.

A voś inviestavać hrošy ŭ niejkija ryzykoŭnyja doŭhaterminovyja ŭkładańni ciapier dakładna nie varta», — ličyć Alaksandr Knyrovič.

Čytajcie taksama: 

U 2022 hodzie fizasoby pradali bolš valuty, čym kupili  

U Biełarusi značna čaściej stali znachodzić padroblenyja dalary

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
35
Панылы сорам
11
Ха-ха
12
Ого
6
Сумна
4
Абуральна
8
0
Nastupoviec/adkazać/
30.01.2023
Dziakuj za paradu, zastałosia tolki 10 tysiač dalaraŭ znajści
0
Dobry Dziadek/adkazać/
30.01.2023
Samyj pravilnyj soviet - u Knyroviča. Dieńhi v Biełarusi siejčas dieržať nielzia. Potomu čto pridut i zabierut "imieniem chitrozačosannoho", potomu čto kušať chočietsia mientam i pročim ušlopkam. Łučšie po-maksimumu vyvodiť za hranicu, a tam vozmožnostiej bolšie horazdo - ETF, fondovyj rynok, HKO hosudarstv, kotoryje po svoim dołham płatiat kak Łanistiery... Dolu v biźniesie možno kupiť ili franšizu kakuju maleńkuju. A v biełkie - vsio otožmut, zamoroziat i sp**diat. Biełorusskije tokieny - podkryšnaja šaraha i po suti takoje žie fufło, prokładka, čtoby za sčiet łochov pokupať akcii čieriez offšory i sozdavať łožnoje čuvstvo vładienija, a po faktu - dieńhi vziali, akcii siebie kupili, na tranzakcijach i komiśsijach nažiliś, a tiebie, duračok, v nužnyj momient my ostavim značok (biełorusskij tokien) i idi choť łob rasšibi v sudie s nim.
2
Jel/adkazać/
31.01.2023
Užas a nie soviety. Ekśpierty rtom i infocyhanie, nie inačie. Kakije inviesticii v koncłahierie da i jeŝie v vojuiuŝiej stranie?! Tolko nał i tolko v tajnikie)
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930