Sud nad advakatam Vitalom Brahincam pačniecca praz tydzień, jaho abvinavačvajuć pa čatyroch artykułach
Advakata Vitala Brahinca zatrymali 23 maja minułaha hoda. Spačatku jaho dvojčy zapar aryštavali na 15 sutak pa administracyjnych spravach, a ciapier stała viadoma, što jaho abvinavačvajuć pavodle čatyroch artykułaŭ Kryminalnaha kodeksa, piša «Viasna».
Artykuły, jakija inkryminujucca advakatu: č. 3 art. 130 (raspalvańnie inšaj sacyjalnaj varožaści), č. 3 art. 361 KK (zakliki da mier abmiežavalnaha charaktaru (sankcyj), nakiravanych na pryčynieńnie škody nacyjanalnaj biaśpiecy), č.1 art. 361-1 (stvareńnie ekstremisckaha farmiravańnia albo ŭdzieł u im) i č. 1 art. 342 (aktyŭny ŭdzieł u dziejańniach, jakija hruba parušajuć hramadski paradak).
Vital Brahiniec da svajho aryštu abaraniaŭ niekatorych palitviaźniaŭ, u tym liku staršyniu pravaabarončaha centra «Viasna» Alesia Bialackaha.
Spravu pačnuć razhladać u Minharsudzie 16 studzienia. Praces budzie vieści sudździa Alena Ananič.
