Značna padnialisia pamiery konsulskich zboraŭ
Z novaha hoda dziaržava vyrašyła bolš zarablać na konsulskich zborach, značna pavialičyŭšy rascenki (časam u dva, try i navat čatyry razy bolš) za vykanańnie roznych pracedur, piša Office Life.
Konsulski zbor za zajavu ab vychadzie z hramadzianstva Biełarusi z 1 studzienia 2023 hoda składaje 400 jeŭra zamiest raniejšych 250. Pavyšeńnie koštu pracedury prapisana ŭ novaj redakcyi Padatkovaha kodeksa, pryniataj Zakonam ab źmianieńni narmatyŭnych aktaŭ pa pytańniach padatkaabkładańnia.
Pavysili i inšyja konsulskija zbory.
Tak, za abmien abo vydaču pašparta asobie, jakaja pastajanna žyvie za miažoj, pryjdziecca zapłacić 50 jeŭra zamiest raniejšych 40, rehistracyja zaklučeńnia šlubu podaražała da 100 jeŭra, skasavańnia — da 200, a raniej heta było pa 50 jeŭra.
Źmiena proźvišča, imia i imia pa baćku abydziecca z hetaha času ŭ 200 jeŭra zamiest 70 raniejšych. Apastyl u dyppradstaŭnictvach padaražeŭ z 35 da 50 jeŭra.
