U repietycyjnym ekzamienie voźmuć udzieł usie 11-kłaśniki
U repietycyjnym centralizavanym ekzamienie 28 studzienia voźmuć udzieł usie vypuskniki škoł Biełarusi. Pra heta siońnia žurnalistam paviedamiła pradstaŭnik Ministerstva adukacyi Iryna Karžova, piša BiełTA.
Fota: BiełTA
«Repietycyja centralizavanaha ekzamienu projdzie va ŭsich rehijonach Biełarusi, na ŭsich 144 punktach. Usie navučency 11-ch kłasaŭ voźmuć udzieł u repietycyjnym centralizavanym ekzamienie. Naša zadača — pahladzieć hatoŭnaść da praviadzieńnia CE i papravić tyja tonkaści i niuansy, jakija nielha ŭbačyć, pracujučy z dakumientami», — raspaviała Iryna Karžova.
Repietycyjny CE budzie prachodzić u strohaj adpaviednaści ź instrukcyjaj pa arhanizacyi praviadzieńnia centralizavanaha ekzamienu. Na jaho ŭžo adbyłasia rehistracyja vypusknikoŭ.
«Navučency vybirajuć pradmiet, pa jakim jany buduć repieciravać praviadzieńnie centralizavanaha ekzamienu. Dalej budzie arhanizavanaja dastaŭka dziaciej u punkty teściravańnia. Kali heta sielskaja škoła, to budzie arhanizavany padvoz, heta značyć, orhany ŭpraŭleńnia adukacyi zmohuć zmadelavać arhanizacyju padvozu navučencaŭ. Kali havorka idzie pra vialikija nasielenyja punkty, takija jak Minsk, albo abłasnyja centry, z pradpryjemstvami transpartu treba budzie praduhledzieć pavieličeńnie hramadskaha transpartu ŭ hety čas, kab budučyja abituryjenty zmahli padjechać da punktaŭ teściravańnia. Na samich punktach budzie arhanizavany prapuskny režym, rassadka pa aŭdytoryjach. Respublikanski instytut kantrolu viedaŭ rychtuje valizy (paštovyja miaški), jakija buduć dastaŭlacca ŭ punkty praviadzieńnia centralizavanaha ekzamienu. Usio heta my płanujem adpracavać 28 studzienia», — skazała pradstaŭnik Minadukacyi.
