Znajści
Ałharytmičny łacinski varyjant
17.12.2022 / 19:0912RusŁacBieł

«Na spatkańnie ŭsie hatovyja praz hadzinu pierapiski». Jaŭhienija Čarniaŭskaja — pra dośvied znajomstvaŭ u anłajn-dadatkach

Jaŭhienija Čarniaŭskaja, jakaja žyvie ŭ Tel-Avivie, padzialiłasia ŭ fejsbuku nazirańniami pra znajomstvy ŭ anłajnie i asablivaściami pavodzin izrailskich mužčyn.

Fota: sa staronki Jaŭhienii Čarniaŭskaj u fejsbuku

«U maim žyćci pačałasia epocha intensiŭnaha i biaźlitasnaha dejtynhu. Paśla siami hadoŭ adnosin z baćkam Alisy, šaści miesiacaŭ z vydatnym izrailskim mužčynam, ale ź jakim u nas nie skłałasia, ja vyrašyła puścicca va ŭsie ciažkija, — piša Jaŭhienija, jakaja nie tak daŭno razyšłasia z mužam i ciapier svabodnaja. — 

Cudy Tinder ja tak i nie spaznała, tamu što mianie zabanili tam adrazu paśla rehistracyi. Pryčyna nie viadomaja, techpadtrymka pasłała mianie, nu i ok.

Dalej u chod pajšoŭ OkCupid i Bumble. U pieršym dadatku bolš pytańniaŭ i teścikaŭ dla vyznačeńnia padabienstva intaresaŭ. Niahledziačy na hety cuda-ałharytm, čamuści mnie traplajucca spres muskulistyja pryhažunki-treniery pa valejbole i ratavalniki na plažy. Mahčyma, tamu što ŭ Tel-Avivie ŭ pryncypie žyvie šmat pryhažunoŭ-trenieraŭ, a mahčyma, pa niejkaj inšaj pryčynie…

Ja navat dziela cikavaści schadziła na spatkańnie z takim trenieram, tamu što jon niekalki tydniaŭ padarožničaŭ pa Paŭdniovaj Amierycy biez mabilnika, a ciapier jedzie na try miesiacy ŭ krainy Karybskaha basiejna, a ŭ śviecie niama ničoha, što ja lublu bolš, čym padarožničać. Ale nie.

Druhi dadatak Bumble ŭžo cikaviejšy. Tut hutarku inicyjavać i dasłać paviedamleńnie pieršaj moža tolki žančyna, pryčym tolki na praciahu 24-ch hadzin. Tak što niama tony adnačasovych zapytaŭ ad mužčyn, jakija prahnuć stasunkaŭ. Tut u asnoŭnym pierapiska zaviazvajecca z łysymi z puzikami intelihientnymi raspracoŭščykami za 40, adukavanymi i pryvabnymi žančynami ci… parami. Nie zusim pa mnie.

Uvohule, pakul naziraju i ładžu marafon spatkańniaŭ.

Piva ŭ bary, kava ŭ kaviarni — heta ŭsio. Fantazija ŭ izrailskich mužčyn pakul mianie nie ŭraziła.

Mahčyma, mnie treba zrabić niejkuju papku-katałoh idej dla spatkańniaŭ. Tamu što ja voś viedaju, dzie tut staradaŭnija panadvorki, maleńkija halerei, kramy płaścinak, kramy arabskich prysmakaŭ, jakija pradajuć najsmačniejšy knafe da hłybokaj nočy navat pa vychadnych. Haražy z krutymi hrafici, elitarny nie viadomy nikomu kinateatr na adnu zału ŭ chipsterskim Fłarentynie. Plaž, pled, termas, muzyčnaja kałonka. Dziuny ŭ paŭnočnym Tel-Avivie. Plaž, dzie možna načavać z pałatkami.

Nie kolki ŭ nas hrošaj, a kolki ŭ nas mazhoŭ. Pry hetym całavacca izrailskija chłopcy ciahnucca ŭsio na pieršym spatkańni. Zdarałasia ŭžo 5 razoŭ. Zvyčajna raźvitvajemsia, jon pryciahvaje mianie da siabie, ja vystaŭlaju dałoń napierad i kažu: «Nie, heta zanadta rana».

Uvohule, maje daśviedčanyja adzinokija siabroŭki, napeŭna, paśmiajalisia b ź mianie: sałaha, maŭlaŭ. Ale ja niejkich inšych pohladaŭ, ci što.

A jašče moj fieminizm akazvajecca nie tak raźvity, kali na pieršym spatkańni prapanujuć zapłacić 50/50. Ja viedaju, viedaju! Niama čaho žyć zababonami patryjarchalnaha postsavieckaha hramadstva, ja starajusia! Ščyra! Ja nie liču, što mužčyna pavinien płacić, bo jon mužčyna. Ale heta hałavoj, a ŭnutry pakul jašče vychavanaja ŭ Biełarusi dzieva.

Pajści na spatkańnie ŭsie hatovyja prykładna praz hadzinu, maksimum, dzień paśla pačatku pierapiski. Vielmi ŭsie lohkija na ŭzdym, usio izi. Viesiałość, lohkaść. Ale biez hłybokich dušaščypalnych tem, jak lubić naša duša».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
a ono nam apiať nada?/adkazać/
18.12.2022
[Red. vydalena]
0
Woodoo Cult /adkazać/
23.12.2022
[Red. vydalena]
0
Ho ho/adkazać/
28.12.2022
"Mamba" -- lepš)), tam ludziej bolš. A jašče možna ŭ knižnaj kramie znajomicca, u biblijatecy, u carkvie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera