Znajści
Ałharytmičny łacinski varyjant
05.12.2022 / 20:508RusŁacBieł

Pratakoł Chrenina-Šajhu: Rasii pieradaduć «Pałanezy»?

U subotu ministr abarony Rasii Siarhiej Šajhu sustreŭsia ŭ Minsku ź ministram abarony Biełarusi Viktaram Chreninym i Alaksandram Łukašenkam. Ministry padpisali pratakoł ab uniasieńni źmien u Pahadnieńnie pamiž Respublikaj Biełaruś i Rasijskaj Fiederacyjaj ab sumiesnym zabieśpiačeńni rehijanalnaj biaśpieki ŭ vajennaj śfiery. Sens hetych źmien nie paviedamlaŭsia. «Naša Niva» pacikaviłasia ŭ analitykaŭ, pra što moža iści havorka ŭ sakretnym pratakole.

Fota: «Puł pieršaha»

«Miarkuju, što sustreča vyklikana pilnaj patrebaj rasijskich vojskaŭ u rakietnych kompleksach»

Ekśpiert pa pytańniach biaśpieki Alaksandr Alesin tłumačyć, što ŭ Pahadnieńnie pamiž Respublikaj Biełaruś i Rasijskaj Fiederacyjaj ab sumiesnym zabieśpiačeńni rehijanalnaj biaśpieki ŭ vajskovaj śfiery ad 1997 hoda ministry abarony dźviuch krain majuć prava dadatkova padpisvać pratakoły. 

«Zvyčajna pieraličvajecca vojska, paradak kiravańnia imi, płan prymianieńnia hrupoŭki vojskaŭ u dadatkovych sakretnych dakumientach, jakija składajucca ministrami abarony dźviuch krain i hienieralnymi štabami. Jany padajucca Łukašenku i Pucinu. Sami ministry ničoha nie vyrašajuć, jany tolki prapracoŭvajuć pytańni i adpraŭlajuć na zaćviardžeńnie kiraŭnikam dźviuch krain», — kaža jon. 

Pra što moh być pratakoł, jaki padpisali ministry abarony Rasii i Biełarusi ŭ hetuju subotu?

Alaksandr Alesin zaŭvažyŭ, što na sustrečy prysutničali vice-premjer pa pramysłovaści Piatro Parchomčyk i staršynia dziaržaŭnaha vajenna-pramysłovaha kamiteta Dźmitryj Pantus. 

Fota: «Vajar»

Tamu jon robić vysnovu, što ŭ pratakole havorka idzie ab zabieśpiačeńni rehijanalnaj hrupoŭki, u pryvatnaści, rasijskaj čaści, biełaruskimi ŭzbrajeńniami, vajennaj technikaj i pradukcyjaj dvajnoha pryznačeńnia.

«Jość mierkavańnie, što ŭ pratakole havorka išła ab rakietnym kompleksie «Pałanez», jaki źjaŭlajecca anałaham amierykanskaha kompleksu «Chajmars», — kaža Alaksandr Alesin. — Heta vysokadakładnaja zbroja, jakaja moža stralać na trysta kiłamietraŭ.

Zachodnija śpiecyjalisty kazali, što Rasija moža paprasić ich u Biełarusi dla taho, kab supraćstajać amierykanskim rakietnym kompleksam. Hetyja ekśpierty ličać, što razam ź inšym uzbrajeńniem Biełaruś moža pieradać «Pałanezy», a taksama adnavić ich vytvorčaść na dziaržynskim zavodzie dakładnaj elektramiechaniki.

Kali Łukašenka za dzień da vizitu Šajhu razmaŭlaŭ z Pucinym, dumaju, što, aproč usiaho inšaha, havorka išła mienavita pra pastaŭku hetych rakietnych kompleksaŭ. Šajhu padpisaŭ pratakoł razam z Chreninym, a potym sustreŭsia z Łukašenkam, i jany hetaje pytańnie kančatkova zaćvierdzili».

Dla Alaksandra Alesina vidavočna, što Siarhiej Šajhu padčas sustrečy z Łukašenkam paviedamiŭ jamu ab chodzie vajennych dziejańniaŭ, a taksama ab płanach rasijskich vojskaŭ na najbližejšy čas.

«Infarmacyja nastolki sakretnaja, što pa telefonie Pucin i Łukašenka pra heta nie havaryli, Šajhu hetuju infarmacyju prynios, — miarkuje Alesin. —

Miarkuju, što sustreča ŭ subotu vyklikana terminovaj nieabchodnaściu rasijskich vojskaŭ u biełaruskich rakietnych kompleksach. Tamu Pucin z Łukašenkam uzhadnili, a Šajhu pryjechaŭ padpisaŭ. Ci prosta ŭ suviazi z vajnoj u Šajhu niama vychadnych».

«Chutka budzie hod, jak rasijskija vojski znachodziacca ŭ Biełarusi bieź jurydyčnych padstaŭ»

Palitołah Valeryj Karbalevič nie bačyć śpieški z padpisańniem pratakoła ab źmienach u pahadnieńni ab rehijanalnaj biaśpiecy. «Toje, što padpisali ŭ vychadny dzień, ničoha nie značyć, u palitycy tak byvaje», — kaža palitołah. 

Valeryj Karbalevič źviarnuŭ uvahu, što rasijski ministr abarony Siarhiej Šajhu pryjechaŭ u Minsk paśla telefonnych pieramovaŭ Łukašenki z Pucinym.

«Dumaju, što hetyja padziei źviazanyja, — kaža palitołah.

— Nakont dakumienta, jaki byŭ padpisany, možna tolki vykazvać hipotezy.

Liču, što, mahčyma, havorka ŭ im idzie pra lehitymizacyju znachodžańnia ŭ Biełarusi rasijskich vojskaŭ. Chutka budzie hod, jak jany na pastajannaj asnovie znachodziacca na terytoryi krainy biez usiakich jurydyčnych padstavaŭ.

Mahčyma, što havorka idzie mienavita pra taki dakumient, u jakim prapisanyja niejkija pravy, abaviazki bakoŭ».

Jašče adzin varyjant — u padpisanym pratakole moža być ahavorana finansavaja kampiensacyja z rasijskaha boku za znachodžańnie vojskaŭ na terytoryi Biełarusi.

«Taksama viadoma, što ź Biełarusi vyvoziacca bojeprypasy dla Rasii, heta kaštuje hrošaj. Tamu dumaju, što ŭ dakumiencie moža być ahavorany finansavy bok i toje, jak Biełaruś budzie dapamahać Rasii: jakija palihony, aeradromy vyłučaje, naprykład. 

U słovach Łukašenki padčas vizitu Šajhu ja ničoha novaha nie ŭbačyŭ. Dziažurnaja rytoryka, jakaja nie vyklikaje nijakich dadatkovych emocyj, kamientaroŭ», — ličyć jon.

Čamu ciapier spatrebiłasia takaja mahčymaja lehitymizacyja? 

«Znachodžańnie vojskaŭ adnoj krainy na terytoryi inšaj — važnaja palityčnaja padzieja. Naturalnym čynam heta patrabuje abaviazkaŭ abodvuch bakoŭ, zafiksavanych u dakumiencie. Heta łahična», — tłumačyć palitołah. 

«Jurydyčna aformić toje, što i tak užo adbyvajecca»

Palitołah Piotra Rudkoŭski ličyć, što padpisany pratakoł skiravany na pravavoje ŭrehulavańnie (albo sprobu ŭrehulavańnia) prybyćcia na terytoryju Biełarusi rasijskich vojskaŭ, a taksama vyvazu amunicyi, rakiet u Rasiju.

«Miarkuju, što pratakoł byŭ zaklikany jurydyčna aformić toje, što i tak užo adbyvajecca, — kaža jon. —Nielha vyklučać, što ŭ im źmieščany byli taksama niejkija pałažeńni na budučyniu. 

Łukašenka šmat čaho skazaŭ padčas sustrečy. Kali niešta zasłuhoŭvaje ŭvahi, to chiba što voś heta: «Usio, što biełarusy pa adkrytaj, realnaj damovie pavinny zrabić, my zrobim. Vy ŭ hetym nie sumniavajciesia». Tut, chutčej za ŭsio, mieŭsia na ŭvazie nie pratakoł, a niešta inšaje. Chutčej za ŭsio — Vajennaja daktryna Sajuznaj dziaržavy, pryniataja ŭ listapadzie minułaha hoda». 

Pavodle daktryny, dziaržavy-ŭdzielnicy ŭ vypadku napadu na adnu ź ich abaviazvajucca pravodzić «svoječasovuju realizacyju sumiesnych rašeńniaŭ pa viadzieńni vajennych dziejańniaŭ». 

«Prablema ŭ tym, što ličyć «napadam». Režym Łukašenki ŭściaž aficyjna nie pryznaŭ anieksavanyja terytoryi. Z farmalna-jurydyčnaha punktu hledžańnia Rasija nie źjaŭlajecca abjektam napadu, pakolki dałučanyja terytoryi navat pa mierkach biełaruskaha režymu zastajucca «sprečnymi». Mahčyma, u hetym i zaklučaŭsia asnoŭny pasył Łukašenki: «Budziem trymacca adkrytaha dahavora, a nie sakretnych pratakołaŭ», — padsumoŭvaje Piotra Rudkoŭski. 

Čytajcie taksama: 

ISW raspavioŭ, navošta Šajhu lataŭ u Minsk

Łukašenka — Šajhu: Usio, što biełarusy pa damovie pavinny zrabić, my zrobim. Vy ŭ hetym nie sumniavajciesia

Arastovič vykazaŭsia pra vizit Šajhu ŭ Minsk

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Achriem/adkazać/
06.12.2022
 Bolšoj hłobus na zadniem płanie foto s łukašienko naviejał mnie niemoj film s Čaplinym ihrajuŝim hitlera, kotoryj v vojennoj formie v miečtach viertieł naduvnym hłobusom
http://arthouse-cinema.de/?p=19119

0
Supovoj pakietik/adkazać/
06.12.2022
Achriem, da niet, eto on prosto podražajet Niro Vulfu... zabyvaja o tom, čto ot vielikoho do śmiešnoho - odin šah. 
0
Baba Jaha/adkazać/
06.12.2022
Supovoj pakietik, čamu heta abaviazkova Nira Vulfa pierajmaje, a moža barona Miunchhaŭzena ? U ofisie barona Miunchhaŭzena taksama hlobus byŭ, ja pamiataju.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera