Znajści
Ałharytmičny łacinski varyjant
03.12.2022 / 16:231RusŁacBieł

U Šviecyi źnik čačenski błohier Tumso Abdurachmanaŭ — viadomy krytyk Ramzana Kadyrava

Apazicyjny čačenski błohier Tumso Abdurachmanaŭ, jaki žyvie ŭ Šviecyi, pierastaŭ vychodzić na suviaź. Heta vynikaje z paviedamleńniaŭ čačenskaj pravaabarončaj asacyjacyi «Vajfond», jakaja znachodzicca ŭ Šviecyi, piša Meduza.io.

Nie paźniej za 1 śniežnia ŭ telehramie źjavilisia paviedamleńni ab zabojstvie Abdurachmanava. Było apublikavana videa ź nibyta miortvym błohieram, ale ŭ kamientarach niekalki karystalnikaŭ skazali, što na videa inšy čałaviek.

2 śniežnia pres-sakratar asamblei čačencaŭ Jeŭropy Šamil Ałbakaŭ zajaviŭ vydańniu «Kaŭkazski vuzieł», što dastojnaj davieru infarmacyi ab hibieli Abdurachmanava nie pastupała. «Pa našaj infarmacyi, heta niapraŭda. Kažuć pra zabojstva maładoha chłopca ŭ Šviecyi, jaki žyŭ pa susiedstvie z Tumso. Ale i heta nie paćvierdžana», — skazaŭ Ałbakaŭ.

Pradstaŭniki «Vajfondu» taksama skazali «Kaŭkazskamu vuzłu», što nie schilnyja daviarać paviedamleńniam pra hibiel Abdurachmanava. Pry hetym u arhanizacyi zajavili, što błohier užo niejki čas nie vychodzić na suviaź. 3-ha śniežnia «Vajfond» u svaim telehram-kanale paviedamiŭ, što Abdurachmanaŭ usio jašče nie vyjšaŭ na suviaź. Taksama bolš nie dastupny jaho brat Machmad Abdurachmanaŭ.

Apošniaje videa na jutub-kanale Abdurachmanava, u jakoha 475 tysiač padpisčykaŭ, źjaviłasia 7 listapada. U im błohier raspavioŭ pra pačatak pracy palityčnaj partyi «Hołas Čačni». Jak piša «Kaŭkazski vuzieł», zvyčajna Abdurachmanaŭ publikuje svaje roliki prykładna raz na tydzień. Takich praciahłych pierapynkaŭ na jaho kanale sioleta jašče nie było.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
1
Ха-ха
0
Ого
5
Сумна
7
Абуральна
15
1
Chorošije ludi živitie!!!/adkazać/
03.12.2022
Nie budiem tieriať nadieždu,očień dostojnyj čiełoviek. Smotrieła s nim intiervju,otkryła dla siebia krasotu naroda Ičkierii
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930