Znajści
Ałharytmičny łacinski varyjant
15.10.2022 / 10:1820RusŁacBieł

U ByPol źjaviłasia mahčymaść pravierki biełarusaŭ na palihrafie. Chto z palitykaŭ jaho prajšoŭ? 

Takaja pasłuha dla ŭsich žadajučych dziejničaje ŭžo niekalki tydniaŭ. Pradstaŭnik pa zakonnaści i pravaparadku Abjadnanaha kabinieta, kiraŭnik ByPol Alaksandr Azaraŭ raskazaŭ «Našaj Nivie», chto prachodzić palihraf i ci treba ŭvodzić takuju ŭmovu ŭ jakaści abaviazkovaj pry pryjomie na pracu ŭ demakratyčnyja struktury.

«Našy supracoŭniki prajšli palihraf dvojčy ŭ roznych ludziej. Ja ŭvohule šmat razoŭ prachodziŭ.

Abaviazkovym heta źjaŭlajecca dla ludziej, jakija ŭ nas prachodziać śpiecyjalnuju padrychtoŭku, a taksama tych, chto ŭstupaje ŭ charuhvy. Prosta ciapier u nas jość svaja aparatura», — kaža Azaraŭ. 

Palihraf — detektar chłuśni — pracuje pa pryncypie vymiareńnia fizijałahičnych źmien u arhaniźmie čałavieka: častata dychańnia, puls, cisk i halvaničnaja reakcyja skury, pad jakoj razumiejucca jaje elektryčnyja ŭłaścivaści.

Siarod inšaha — adsočvańnie źmianieńniaŭ u zrenkavaj reakcyi i dziejnaści mozhu z dapamohaj MRT.

Zvyčajna palihrafołahi vykarystoŭvajuć pry testavańni nabor sa značnych i niaznačnych pytańniaŭ. Pakolki na niaznačnyja pytańni (naprykład, «Vy kali-niebudź chłusili?») niemahčyma adkazać «nie» i pry hetym nie zmanić, ličycca, što fizijałahičnaja reakcyja na ich — bazavaje značeńnie.

«Nie viedaju nikoha, chto zmoh by padmanuć palihraf», — kaža Azaraŭ.

Razam z tym mnohija staviacca da palihrafa sumnieŭna, ličać, što zaŭsiody mahčyma kantralavać svaje emocyi i reakcyi abo naadvarot čałaviek moža zanadta raschvalavacca, a značyć i vynik moža być lubym.

Tut treba razumieć, što mozh nie moža padmanuć sam siabie, niezaležna ad žadańnia čałavieka jon uznaŭlaje peŭnyja refleksy. 

Vynik pravierki na palihrafie moža być niedakładnym pry skažeńni čałaviekam svaich fizijałahičnych reakcyj. Naprykład, pryjom preparataŭ, nakiravanych na ŭzbudžeńnie centralnaj niervovaj sistemy ci na jaje tarmažeńnie.

Siudy ž adnosiać psichičny sposab padmanu palihrafa: sproby miedytavać, uvieści siabie ŭ trans, vyrašać u rozumie aryfmietyčnyja zadačy, pieraniasieńnie dumak z adnaho na inšy pradmiet. Ale heta budzie zaŭvažana palihrafołaham. Jak i varyjant fizičnaha supraćdziejańnia detektaru chłuśni: skažeńnie reakcyj šlacham naŭmysnych ruchaŭ abo napruhaj myšc dla vykliku reakcyi, jakaja ŭźnikaje ad bolevaha efiektu.

Siarod ludziej, jakija zapisvalisia na padrychtoŭku ŭ ByPol, z dapamohaj palihrafa vyjaŭlali tych, chto nasamreč nie choča ŭdzielničać u «Płanie Pieramoha».

«Kazali, što jość žadańnie, a paśla vyśviatlałasia, što nie. Moža być, jany chacieli atrymać padrychtoŭku prosta zadarma, — razvažaje Alaksandr Azaraŭ pra matyvy. —

Kaniečnie, treba, kab palihraf byŭ u šmatlikich arhanizacyjach, ale tak zrabić składana. Patrebny ruskamoŭny śpiecyjalist, aparatura. Ciažka heta znajści, my pieršyja, u kaho takoje źjaviłasia».

Achvotnych prajści palihraf pakul niašmat. 

«Chto ŭžo ŭ nas byŭ? Taćciana Zareckaja, Alina Koŭšyk, Valer Kavaleŭski, Anastasija Kaściuhova, Valer Mackievič, Andrej Jahoraŭ i inšyja. Śviatłana Cichanoŭskaja choča prajści, ale heta budzie dla jaje arhanizavana nie ŭ Varšavie, a ŭ Vilni, bo zajmaje ŭsio 3-4 hadziny.

Palityčnyja dziejačy da nas źviartajucca. Ci, naprykład, jak Jaŭhien Bury — jon zachacieŭ pakazać, što nie źjaŭlajecca ahientam režymu Łukašenki», — tłumačyć jon. 

Alaksandr Azaraŭ kaža, što prachodzić palihraf — heta raspaŭsiudžanaja pracedura, kali čałaviek najmajecca ŭ surjoznuju strukturu. 

«Hrošy za heta my nie biarom, biaspłatna», — padsumoŭvaje jon. 

«U cełym kala 50 pytańniaŭ»

Prezident Asacyjacyi biełaruskaha biznesu za miažoj Jaŭhien Bury padzialiŭsia z «Našaj Nivaj» svaimi ŭražańniami ad prachodžańnia palihrafa.

«Žadańnie takoje ja prajaviŭ sam. Asacyjacyja z «Bajpoł» padpisała pahadnieńnie ab supracy jašče letam. Davier ź ich boku da mianie byŭ. Maja inicyjatyva z palihrafam bolš nakiravanaja na tych biznesoŭcaŭ, jakija da nas źviartajucca. Šmat chto aściarožničaje, pytajucca, dzie ich danyja buduć zachoŭvacca, jakaja harantyja, što my ich nikudy nie pieradamo. 

Ja heta zrabiŭ, kab da nas, Asacyjacyi, było bolš davieru. Chacieŭ pakazać, što my sapraŭdy ŭsio robim na karyść demakratyčnamu ruchu i tym krainam, dzie my znachodzimsia, paćvierdzić, što ŭ nas niama mety, naprykład, naškodzić nacyjanalnaj biaśpiecy Polščy», — raskazvaje jon.

Usiaho ŭ palihrafołaha było 6-7 błokaŭ, u kožnym ź jakich 6-8 pytańniaŭ. Jany pamiž saboj pierahukajucca.

«Naprykład, ci supracoŭničali vy z režymam Łukašenki, ci majecie apieratyŭny psieŭdanim? Usie pytańni nakiravanyja na vyśviatleńnie tvajoj dziejnaści. Ja ŭpeŭnieny, što padmanuć tut niemahčyma. 

Dakumient mnie nijaki nie vydali. Toje, što ja jaho prajšoŭ, možna paćvierdzić pa zapycie ŭ «Bajpoł».

Liču, što ŭ arhanizacyjach, inicyjatyvach treba takoje prapanoŭvać ludziam i hladzieć na ich reakcyju. Nie baču ničoha składanaha ŭ prachodžańni palihrafa, kali čałavieku niama čaho chavać. Možna paśla być u im upeŭnienym», — ličyć jon.

Čytajcie taksama: 

Hubazikaviec dzieviać miesiacaŭ byŭ u kamandzie Čornaj knihi Biełarusi. I ŭrešcie ŭznačaliŭ jaje

Čamu zavočnyja sudy pačnuć nie ź Cichanoŭskaj i «Bajpoła»?

ByPol: U charuhvy ŭ Polščy ŭ pieršy dzień zapisalisia 800 čałaviek

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Aleh/adkazać/
16.10.2022
Ja davno pisał, čto nabor v političieskije oppozicionnyje partii nado sdiełať otkrytym s usłovijem prochoždienija polihrafa, siejčas političieskije partii užie nieaktualnoje javlenije, vsiech kto prichodit v diemokratičieskije struktury nado prohoniať čieriez polihraf, naprimier pomnitie niedavno sovsiem hubazikoviec v čiernuju knihu biełarusi zatiesałsia, takoho nie dołžno byť, boleje toho nabor v buduŝije śpiec słužby diemokratičieskoj Biełarusi dołžny tak žie prochodiť čieriez polihraf, tak diełajut v CRU.
0
Aleh/adkazać/
16.10.2022
Valadzimir, vot i poniatno kto jesť kto,ty trol,babosiki zdieś otrabatyvaješ.
0
Viasiołka/adkazać/
18.10.2022
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031