Znajści
Ałharytmičny łacinski varyjant
28.09.2022 / 15:58RusŁacBieł

Meta raskryła samuju bujnuju i składanuju kampaniju pa dezynfarmacyi, praviedzienuju Rasijaj z pačatku vajny

Pavodle spravazdačy, u pieryjad z červienia pa vierasień rasijskija ahienty stvaryli bolš za 60 veb-sajtaŭ, jakija imitujuć sapraŭdnyja navinnyja sajty, u tym liku brytanski «The Guardian» i niamieckija «Der Spiegel» i «Bild».

Rasija stvaryła šyrokuju i składanuju sietku veb-sajtaŭ, jakija vydajucca za papularnyja ŚMI. Hetuju sietku jana vykarystoŭvaje dla raspaŭsiudžvańnia antyŭkrainskaj prapahandy praz falšyvyja akaŭnty ŭ sacyjalnych sietkach. 

Skrupulozna padrychtavanyja falšyvyja staronki, hałoŭnym čynam aryjentavanyja na karystalnikaŭ u Hiermanii, Francyi, Italii, Ukrainie i Vialikabrytanii, byli imitacyjaj realnych staronak, zapazyčvajučy nie tolki farmat i źniešni vyhlad realnych sajtaŭ, ale ŭ niekatorych vypadkach taksama fatahrafii i nazvy artykułaŭ.

Rasijanie vykarystoŭvali hetyja sajty dla raspaŭsiudžvańnia iłžyvych naratyvaŭ — naprykład, pra toje, što Ukraina arhanizavała zabojstva mirnych žycharoŭ u Bučy. A zatym prasoŭvali hetyja teksty ŭ Facebook, Instagram, YouTube, Telegram, Twitter, Change.org, Avaaz i navat LiveJournal.

Ahułam Facebook i Instagram vydalili amal 2 tysiačy akaŭntaŭ, bolš za 700 staronak i vyjavili kala 105 tysiač rekłamnych dopisaŭ. U toj čas, kali Facebook i Instagram pracavali nad vydaleńniem rasijskaj dezynfarmacyjnaj sietki, usio bolš i bolš staronak praciahvali źjaŭlacca.

«Heta śviedčyć pra nastojlivaść i pastajannyja inviestycyi ŭ dziejnaść na prastory internetu», — zajaviŭ u intervju žurnalistam dyrektar Meta pa supraćdziejańni hłabalnym pahrozam David Ahranovič. U niekatorych vypadkach dopisy rekłamavalisia aficyjnymi rasijskimi dypłamatyčnymi akaŭntami.

Adnak u toj čas jak veb-sajty rabilisia z naležnaj ruplivaściu, falšyvyja akaŭnty časta stvaralisia paśpiešliva, havorycca ŭ spravazdačy. Mnohija ź ich byli vyjaŭlenyja aŭtamatyzavanymi sistemami kampanii jašče da taho, jak Meta pačała rasśledavańnie. «Heta sapraŭdy vydatnaje spałučeńnie vytančanaści i hrubaj siły», — ličyć Ahranovič.

 

SD

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031