Znajści
Ałharytmičny łacinski varyjant
20.04.2022 / 18:44RusŁacBieł

Surazmoŭcy Błumbierha raspaviali, jak Pucin prymaŭ rašeńnie ab uvarvańni va Ukrainu

Krynicy vydańnia nie bačać šancaŭ na toje, što Uładzimir Pucin źmienić kurs. Pa ich słovach, rasijski prezident pry pryniaćci rašeńnia ab napadzie na Ukrainu abapiraŭsia na mierkavańnie troch jastrabaŭ: Šajhu, Hierasimava i Patrušava.

 Siarhiej Šajhu, Uładzimir Pucin i Valeryj Hierasimaŭ. Fota: TASS

Dźvie krynicy «Błumbierha» pry hetym śćviardžajuć, što rašeńnie ab uvarvańni va Ukrainu było pryniata Pucinym razam ź niekalkimi «jastrabami», u liku jakich ministr abarony Siarhiej Šajhu, načalnik hienštaba Valeryj Hierasimaŭ i sakratar Rady biaśpieki Rasii Mikałaj Patrušaŭ.

Za niekalki tydniaŭ paśla pačatku ŭvarvańnia koła daradcaŭ i kantaktaŭ Pucina jašče macniej zvuziłasia ŭ paraŭnańni z abmiežavanaj hrupaj prychilnikaŭ žorstkaj linii, ź jakimi jen rehularna kansultavaŭsia raniej, piša ahienctva.

Amal praz vosiem tydniaŭ paśla napadu va Ukrainu vajennyja straty rastuć, a Rasija sutyknułasia ź biesprecedentnaj mižnarodnaj izalacyjaj. «Nievialikaja, ale ŭsio bolšaja kolkaść vysokapastaŭlenych kramloŭskich insajdaraŭ cicha sumniajecca ŭ pravilnaści jaho rašeńnia pačać vajnu», — piša ahienctva.

«Katastrafičnaja pamyłka»

Šerahi krytykaŭ unutry rasijskaj ułady zastajucca abmiežavanymi na vysokich pasadach va ŭradzie i dziaržaŭnym biznesie — jany ličać, što ŭvarvańnie było katastrafičnaj pamyłkaj, jakaja adkinie krainu na hady, śćviardžaje «Błumbierh», spasyłajučysia na dziesiać daśviedčanych surazmoŭcaŭ. Usie jany razmaŭlali na ŭmovach ananimnaści, bajučysia nastupstvaŭ.

Pakul hetyja ludzi nie bačać nijakich šancaŭ na toje, što Pucin źmienić svoj kurs. Pa ich słovach, rasijski prezident, usio bolš i bolš zaležyć ad vuzkaha koła daradcaŭ i ihnaruje sproby inšych čynoŭnikaŭ papiaredzić jaho ab zhubnych ekanamičnych i palityčnych nastupstvach tych ci inšych krokaŭ.

Niekatoryja surazmoŭcy Błumberha skazali, što ŭsio bolš padzialajuć aściarohi pradstaŭnikoŭ amierykanskaj raźviedki nakont taho, što Pucin moža addać zahad na kropkavaje prymianieńnie jadziernaj zbroi, kali sutykniecca ź niaŭdačaj u kampanii, jakuju jon ličyć svajoj histaryčnaj misijaj.

«Biezumoŭna, pucinskuju vajnu pa-raniejšamu mocna padtrymlivaje bolšaja častka rasijskaj elity, i mnohija insajdary publična i navat u pryvatnych razmovach padtrymlivajuć viersiju Kramla ab tym, što kanflikt z Zachadam byŭ niepaźbiežny i što ekanomika adaptujecca da šyrokamaštabnych sankcyj, — havorycca ŭ artykule. — I hramadskaja padtrymka zastajecca mocnaj, bo pieršapačatkovy šok i efiekt sankcyj sastupili miesca svajho rodu siurrealistyčnaj stabilnaści ŭ Rasii».

«Sprabavali rastłumačyć»

Pavodle infarmacyi surazmoŭcaŭ ahienctva, vysokapastaŭlenyja čynoŭniki sprabavali rastłumačyć Pucinu, što ekanamičnyja nastupstvy sankcyj buduć razburalnymi, bo źniščać vyniki dvuch dziesiacihodździaŭ rostu.

Pucin, pavodle ich słoŭ, admachnuŭsia ad hetych papiaredžańniaŭ, zajaviŭšy, što, chacia Rasija zapłacić vializnuju canu, Zachad nie pakinuŭ jamu inšaha vybaru, akramia jak pačać vajnu.

Dva dni tamu Pucin zajaviŭ, što sproba «ekanamičnaha blickryhu» suprać Rasii pravaliłasia. «Raźlik byŭ na toje, kab chutka raschistać finansava-ekanamičnuju situacyju ŭ našaj krainie, spravakavać paniku na rynkach, kałaps bankaŭskaj sistemy, maštabny deficyt tavaraŭ u mahazinach, — skazaŭ jon u paniadziełak na naradzie pa sacyjalna-ekanamičnaj situacyi ŭ krainie. — Možna ŭžo ŭpeŭniena skazać, što takaja palityka ŭ dačynieńni da Rasii pravaliłasia, stratehija ekanamičnaha blickryhu nie ŭdałasia».

Pucin pa-raniejšamu ŭpeŭnieny, što ludzi jaho padtrymlivajuć i što rasijanie hatovy vycierpieć hady abmiežavańniaŭ dziela nacyjanalnaj vieličy. Jon poŭny rašučaści praciahvać vajnu — navat niahledziačy na toje, što Kramlu daviałosia abmiežavać ambicyi, admovicca ad zachopu bolšaj častki Ukrainy i pieraaryjentavacca na bitvu za Danbas.

Niazhodnyja ź linijaj Pucina nie bačać nijakich prykmiet taho, što toj hatovy razhledzieć pytańnie ab spynieńni vajennych dziejańniaŭ ci ab surjoznych sastupkach, nieabchodnych dla dasiahnieńnia spynieńnia ahniu.

«Uličvajučy jaho tatalnaje daminavańnie ŭ palityčnaj sistemie, alternatyŭnyja pohlady hučać tolki ŭ pryvatnym paradku», ‒ piša ahienctva.

Pavodle jaho acenki, abmiežavanaść infarmacyi sadziejničała tamu, što Kreml praličyŭsia ŭ pieršyja dni nastupleńnia. Miljarder Raman Abramovič, jaki braŭ udzieł u arhanizacyi rasijska-ŭkrainskich pieramovaŭ, mieŭ raźviejać upeŭnienaść Pucina ŭ tym, što prezident Ukrainy Uładzimir Zialenski pakinie krainu, jak tolki pačniecca ŭvarvańnie, śćviardžajuć krynicy «Błumberha».

Jašče ŭ siaredzinie sakavika miljarder Michaił Frydman, jaki trapiŭ pad sankcyi, tłumačyŭ u intervju «Błumbierhu», čamu nichto ŭ Rasii nie advažycca publična asudžać vajnu.

«Dystancyja pamiž spadarom Pucinym i kim-niebudź jašče padobnaja dystancyi pamiž Ziamloj i kosmasam, — kazaŭ jon. — Skazać Pucinu niešta suprać vajny dla kaho zaŭhodna było b raŭnasilna samahubstvu».

Miljarder Aleh Dzierypaska jašče ŭ kancy sakavika nazvaŭ vajnu «varjactvam», nahadvaje Błumbierh. Zasnavalnik «Tińkoff banka» Aleh Cińkoŭ napiaredadni ŭ jašče bolš rezkich vyrazach vystupiŭ suprać vajny i tych, chto jaje padtrymlivaje, a taksama raskrytykavaŭ rasijskaje vojska.

«Błumbierh» nahadvaje, što tolki adzin vysokapastaŭleny čynoŭnik «publična parvaŭ z Kramlom z-za ŭvarvańnia» — Anatol Čubajs, jaki syšoŭ u adstaŭku z pasady śpiecpradstaŭnika Pucina pa pytańniach ustojlivaha raźvićcia i palacieŭ u Stambuł. Adnak Čubajs admoviŭsia ad jakich-niebudź publičnych zajavaŭ nakont svajho rašeńnia.

Inšym, chto chacieŭ syści, u tym liku kiraŭnicy CB Elviry Nabiulinaj, skazali, što jany pavinny zastacca, kab dapamahčy spravicca z ekanamičnymi nastupstvami, piša «Błumbierh». Jašče raniej ahienctva paviedamlała, što Nabiulina sprabavała syści ŭ adstaŭku paśla pačatku ŭvarvańnia, ale Pucin joj u hetym admoviŭ. CB paśla hetaj publikacyi zajaviŭ, što infarmacyja ab žadańni Nabiulinaj pakinuć svaju pasadu nie adpaviadaje rečaisnaści. Vysokapastaŭlenyja čynoŭniki asudzili tych, chto pakinuŭ krainu, ličačy ich «zdradnikami», piša «Błumbierh».

Niekatoryja pradstaŭniki elity nastojvajuć na jašče bolš žorstkaj linii, ličyć ahienctva i nahadvaje, što kali pradstaŭnik Kramla Dźmitryj Piaskoŭ zastupiŭsia za televiadučaha Ivana Urhanta, jaki zjechaŭ z Rasii, kiraŭnik Čačni Ramzan Kadyraŭ, čyje vojski vajujuć va Ukrainie, raskrytykavaŭ Piaskova za niedastatkovy patryjatyzm.

«Niama miesca dla roznahałośsiaŭ ci dyskusij, usie pavinny prosta zajmacca hetym i vykonvać ukazy prezidenta, i pakul Pucin trymaje situacyju pad kantrolem, ludzi buduć iści za im», — acaniła situacyju kiraŭnica prajekta R.Politik Taćciana Stanavaja.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031