U Mazyry nastaŭnicu — maci dźviuch školnic — asudzili na 2 hady kałonii za dopisy ŭ telehramie
Mazyrski rajonny sud u zakrytym režymie razhledzieŭ kryminalnuju spravu 36-hadovaj Iryny Harašynaj.
Mitynh u Mazyry ŭ žniŭni 2020 hoda
Raniej Iryna Harašyna pracavała nastaŭnicaj. Jaje abvinavacili ŭ «masavych biesparadkach» (artykuł 342) i «niezakonnych dziejańniach u dačynieńni da infarmacyi ab pryvatnym žyćci i piersanalnych źviestak» (artykuł 203-1), paviedamlaje Radyjo Svaboda.
8 listapada sud vynies rašeńnie pazbavić Harašynu svabody na 2 hady, z adbyvańniem pakarańnia ŭ kałonii ahulnaha režymu i dać joj štraf pamieram 50 bazavych vieličyń (1450 rubloŭ).
U žančyny zastalisia doma dźvie dočki, 7 i 15 hadoŭ.
Jaje zatrymali 24 žniŭnia. Irynu Harašynu abvinavacili ŭ tym, što jana pakidała dopisy ŭ telehram-kanale «Mazyr 97», jaki pryznali ekstremisckim.
