Čamu na «Mova Fest» treba iści ź dzietkami

22 lutaha ŭ minskim kulturnym chabie «OK16» (vuł. Kastryčnickaja, d. 16, k. 27) «Art Siadziba» pry padtrymcy hienieralnaha partniora «Alivaryja» ładzić maštabnaje i ŭnikalnaje śviata «Mova Fest» da Mižnarodnaha dnia rodnaj movy.

Fota Nadziei Bužan. Z archivu «NN»

Padčas śviata z 13:00 da 17:00 u vialikaj zale budzie pracavać dziciačaja placoŭka «Dudu», jakuju arhanizoŭvaje «Naša Niva».

Jakija aktyŭnaści my padrychtavali dla vas i vašych dzietak:

Płastylandyja — dzietki pad kiraŭnictvam Alesia Kudryckaha buduć lapić z płastylinu roznych cikavych piersanažaŭ (važna: kali płanujecie paŭdzielničać i chočacie zabrać dadomu zroblenyja fihurki, to pryniasicie z saboj płastylin; 2-3 cahlinak chopić na vyrab adnaho hieroja),
Pachimičym — padletak Taras Babin budzie demanstravać zachaplalnyja dośledy,
Vučymsia malavać — mastak Raman Tarasievič budzie pakazvać dzietkam na flipčarcie, jak malujucca roznyja hieroi, kab jany mahli tut ža paŭtaryć sami,
Samarobki z papiery — aryhami z Hannaj Ramanoŭskaj,
Viktaryna na viedy z sałodkimi padarunkami i rozyhryšam časopisaŭ.

Aproč taho, u małoj zale kampanija «Budźma biełarusami!» budzie pravodzić interaktyŭnuju hulniu-śpiektakl «Pa śladach adnaho padańnia». Doŭžycca śpiektakl 25 chvilin, aryjentavany ŭ pieršuju čarhu na dziaciej 6-13 hod. Raskład: 13.20-13.50, 14.20-14.50, 15.20-15.50.

Vyjšaŭ novy «Dudu»: usio pra bułački, piačom koržyk, śpiavałka i lapiłka

A što jašče budzie?

Moŭny kvest, vuličnaja placoŭka «Smačna ŭ rocie», litaraturnaja placoŭka, «Śpieŭny schod», majstar-kłas ad ilustratarki Lizaviety Hančarovaj, majstar-kłas ad Vitala Hurkova «Tajski boks pa-biełarusku», biełaruskija hulni, lekcyi, pradukty i šmat inšaha.