Znajści
Ałharytmičny łacinski varyjant
28.01.2020 / 12:03RusŁacBieł

U kłubie Śviatłany Aleksijevič vystupić aŭtar lehiendarnaha «Vožyka ŭ tumanie» Juryj Narštejn — 6 lutaha

6 lutaha, 19.00, kanfierenc-zała haścinicy «Biełaruś» (Minsk, Staražoŭskaja, 15). «Linija Narštejna». Svabodnaja hutarka pra mastactva.

Juryj Narštejn, vybitny rasijski režysior-multyplikatar, jakomu ŭ nastupnym hodzie spaŭniajecca 80 hadoŭ, atrymaŭ za svoj układ u mastactva ŭsie mahčymyja ŭznaharody i zvańni.

U 1968 hodzie Narštejn debiutavaŭ multfilmam «25-ha, pieršy dzień» (sumiesna z Arkadziem Ciurynym), u jakim byli vykarystany pracy savieckich mastakoŭ 1920-ch hadoŭ: Lentułava, Altmana i Piatrova-Vodkina. Film «Vožyk u tumanie »(1975) adkryŭ asablivy pohlad na śviet, jon zavajavaŭ usich. U Japonii jon staŭ kultavym filmam. «Kazka kazak» (1979) pryznana «najlepšym animacyjnym filmam usich časoŭ i narodaŭ» pa vynikach mižnarodnaha apytańnia, praviedzienaha akademijaj kinamastactva sumiesna z ASIFA-Halivud (ZŠA) u 1984 hodzie.

Vykładčyckaja praca, aktyŭnaja hramadzianskaja pazicyja, udzieł u dyskusijach pa samych nadzionnych pytańniach — heta taksama nieadjemny bok žyćcia mastaka siońnia.

Na sustrečy ŭ kłubie pojdzie razmova pra toje, što takoje sučasnaja multyplikacyja, i pra miesca mastaka ŭ sučasnym śviecie, pra jaho prava na ŭłasny los i styl.

Uvachod volny.

Kolkaść miescaŭ abmiežavanaja.

NN.by

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera