Znajści
Ałharytmičny łacinski varyjant
22.07.2022 / 11:1818RusŁacBieł

«Časta łamaŭ ruki i nohi». Piać faktaŭ pra novaha pasła Biełarusi ŭ Rasii Dźmitryja Krutoha

Namieśnik kiraŭnika administracyi Łukašenki Dźmitryj Kruty byŭ pryznačany pasłom Biełarusi ŭ Rasiju. Dahetul jon paśpieŭ pabyvać na pasadach ministra ekanomiki i pieršaha vice-premjera.

Chto taki Dźmitryj Kruty, adzin z najmaładziejšych čynoŭnikaŭ u prezidenckaj abojmie? «NN» zhadvaje archiŭny* materyjał pra jaho.

Radzima nie Białyničy, a Kličaŭ

Znajści Dźmitryja Krutoha na fota prosta — jon samy vysoki. Zdymak z ok.ru.

U aficyjnaj bijahrafii paznačana, što Dźmitryj Kruty naradziŭsia ŭ Białyničach 10 studzienia 1981 hoda. Ale nie treba ličyć hety horad rodnym dla čynoŭnika. Usio dziacinstva chłopca prajšło ŭ Kličavie. Tam jon chadziŭ u škołu №1, jakuju i skončyŭ u 1998 hodzie.

Škołu Dźmitryju atrymałasia skončyć z załatym miedalom. Kłasnaja kiraŭnica Krutoha Śviatłana Baradulič zhadvaje: «Dzima — nie mahu nijak pryzvyčaicca kazać Dźmitryj Mikałajevič, jon kali i da nas u Kličaŭ pryjazdžaŭ letaś, to ŭsio adno kazała Dzima, — paŭsiul paśpiavaŭ. U jaho było šmat siabroŭ, vielmi družny kłas byŭ, jany i ciapier praciahvajuć stasavacca miž saboj».

Šmat łamaŭ ruki i nohi, byŭ papularny ŭ dziaŭčat

Śviatłana Baradulič pracuje nastaŭnicaj bijałohii pa siońnia. «Pa maim pradmiecie mahu skazać, što jon vučyŭ vielmi staranna, sam pryznavaŭsia. Ale jamu ŭsio davałasia: i fizika, i matematyka. Jon vyjhravaŭ abłasnuju alimpijadu pa hieahrafii, jeździŭ na respubliku».

Spadarynia Baradulič kaža, što ŭ škole Dźmitryja lubili, jon staviŭsia z pavahaj da ŭsich nastaŭnikaŭ i supracoŭnikaŭ ustanovy, byŭ niekanfliktnym. A voś z chobi atrymałasia prablema. Reč u tym, što Kruty ŭ dziacinstvie vielmi chutka ros, i aporna-ruchalnaja sistema prosta nie paśpiavała, tamu jon časta łamaŭ, to ruki, to nohi. Praz heta na zaniatkach sportu davodziłasia stavić kryž.

«Dziaŭčaty jaho lubili. Nie budu padrabiaznaści raskazvać, ale dakładna lubili», — śmiajecca Śviatłana Ściapanaŭna.

U Dźmitryja Krutoha jość małodšaja na dva hady siastra Natalla, jana taksama žyvie ŭ Minsku.

Baćka — vysokapastaŭleny čynoŭnik

Mikałaj Kruty ad 1989 da 1997 hoda ŭznačalvaŭ kličaŭski lashas. Usie žychary rajonnaha centra, ź jakimi «NN» parazmaŭlała, rychtujučy hety materyjał, adhukajucca pra spadara Mikałaja tolki dobrym słovam.

Potym Krutoha-starejšaha pieraviali ŭ Minsk, dzie jon uznačaliŭ Minskaje vytvorčaje lesahaspadarčaje abjadnańnie. A ŭ 1999 Mikałaj Kruty staŭ kiraŭnikom «Biellespapierprama». Možna skazać, što jon adkazvaŭ za ŭsiu drevaapracoŭčuju halinu krainy.

Kali Mikałaja Krutoha zvolnili, to ekanamist Jarasłaŭ Ramančuk napisaŭ u svajoj kałoncy ŭ «Biełhaziecie»: «Zvalnieńnie Krutoha — heta biessensoŭnaja sproba navieści paradak u ramkach sistemy, jakaja nie pracuje».

Dźmitryj Kruty praciahnuŭ liniju baćki. Jon pastupiŭ i advučyŭsia na inžynierna-ekanamičnym fakultecie Technałahičnaha univiersiteta, tam ža skončyŭ aśpiranturu. Vybaru asablivaha nie było, jon jašče sa škoły chacieŭ źviazać svoj los ź lesam.

Adkazny za intehracyju z Rasijaj

U 23 hady Dźmitryj Kruty trapiŭ na pracu ŭ Ministerstva lasnoj haspadarki. Jon tam pracavaŭ hałoŭnym ekanamistam siektara apłaty pracy i cenaŭtvareńnia. U 2006 hodzie Kruty pierajšoŭ na pracu u Ministerstva ekanomiki, ale praciahnuŭ adkazvać za les.

Jahonaja novaja pasada hučała vielmi šmatsłoŭna «namieśnik načalnika ŭpraŭleńnia lasnoha kompleksa hałoŭnaha ŭpraŭleńnia ahrapramysłovaha i lasnoha kompleksaŭ Ministerstva ekanomiki». U hetym upraŭleńni Kruty adpracavaŭ až da 2014 hoda, kali byŭ pryznačany namieśnikam ministra ekanomiki.

U žniŭni 2018 hoda jon staŭ ministram ekanomiki, samym maładym u biełaruskim uradzie. I kali pra jahonuju pracu na hetaj pasadzie adhukajucca amal zaŭsiody pazityŭna, to jość śfiera, za dziejnaść u jakoj Krutoha pastajanna krytykujuć.

U pačatku 2019 hoda ministr ekanomiki staŭ kiraŭnikom pracoŭnaj hrupy pa intehracyi z Rasijaj ad biełaruskaha boku. Mienavita hetaj hrupie naležyć raspracavać «darožnyja karty intehracyi». Kruty zachoŭvaje absalutnaje maŭčańnie i nijak nie kamientuje, što mienavita ŭ tych dakumientach. Naturalna, što hramadstvu heta nie padabajecca i pakidaje miesca dla insinuacyj.

Žonku taksama znajšoŭ u lesie

Maryja i Dźmitryj Krutyja. Fota z ok.ru.

Mała taho, što faktyčna ŭsia karjera Dźmitryja Krutoha była nieparyŭna źviazanaja ź lasnoj haspadarkaj. Navat žonka ciapierašniaha ministra pracavała ŭ «Biełdziaržlesie». U Dźmitryja i Maryi Krutych dvoje dziaciej.

Dźmitryj Kruty — adzin ź niamnohich biełaruskich ministraŭ, jaki zarehistravany ŭ fejsbuku. Chaj da aktyŭnaści ministra antymanapolnaha rehulavańnia i handlu Uładzimira Kałtoviča jamu jašče daloka. U asnoŭnym Kruty padpisany na supołki pa samastojnym vyvučeńni anhlijskaj movy, niekalki humarystyčnych pablikaŭ, a taksama na błoh Uładzimira Karahina.

Kali jaho pryznačyli ministram ekanomiki, to pieršaj zajava była ab nieabchodnaści pamienšyć zaležnaść biełaruskaj ekanomiki ad vonkavych šokaŭ, a najpierš ad vahańniaŭ rasijskaha rubla.

* Tekst upieršyniu byŭ apublikavany ŭ listapadzie 2019 hoda.

Źmicier Pankaviec

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
21
Ха-ха
3
Ого
5
Сумна
6
Абуральна
7
1
hulaju ŭ chakiej sam z saboj/adkazać/
22.07.2022
Adkazny za toje jak razvalić intehracyju, pakul svaje abaviazki vykonvaje niadrenna.
1
čst łmŭ rk i nh - bolš za 3 słovy z zahałoŭku nie asilić mnie. dy j ličyć ja ŭmieju tolki da 3/adkazać/
22.07.2022
pytańnie - kamu?
0
Viečna žyvi i kvitniej, Biełaruś! (eto voobŝie-to słova vašieho žie himna. pacany. e)/adkazać/
22.07.2022
zasiraje karoče saboj uvieś śviet

nu ja prosta niadauna čytała u adnym z samych ekstrymisskich vydańniau, što predstavicielstvau (nu t.sk. pasolstvau i t.p.) u inšych krainach u nas kudy bolš, čym priedstavicielstvov inšych krain u našaj krainie

i ja, znajecie što[tut nieožidanno śviaź obryvajetsia]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930