Znajści
Ałharytmičny łacinski varyjant
22.08.2019 / 16:08RusŁacBieł

Samy poŭny hajd pa fiestyvali «Tbilisoba»: Mgzavrebi, hruzinska-biełaruskaje viasielle i 40 fudkortaŭ

24 žniŭnia ŭ Vierchnim horadzie projdzie piaty fiestyval z hruzinska-biełaruskim charaktaram «Tbilisoba». Vystupać buduć ansambl Iriao, šmathałośsie «Švidkaca», a skončać prahramu Mgzavrebi — chedłajniery śviata.

Ź niezvyčajnych aktyŭnaściaŭ — na fiestyvali płanujuć pravieści sapraŭdnaje hruzinska-biełaruskaje viasielle. Pačniecca śviata a 12:00, a skončycca apoŭnačy. Što rabić na feście, raskazvajem ŭ našym hajdzie.

Łajnap

«Baržomi» hetym razam vyrašyli pryvieźci ŭ Minsk samych charakternych hruzinskich artystaŭ. Naprykład, Mgzavrebi. Heta, vidać, samy zapatrabavany hruzinski kalektyŭ prosta ciapier — u hetym hodzie jon stanie chedłajnieram fiestyvalu. Hurt pabyvaŭ u haściach u «Viečiernieho Urhanta», dy i ŭ Minsku na zakrytych placoŭkach užo ładzili anšłahi.

Jašče budzie vystupać šmathałośsie «Švidkaca», jakoje tak zachapiła Anhiełu Mierkiel padčas jaje niadaŭniaha vizitu ŭ Tbilisi.

A taksama ŭładalnik pieršaj premii sioletniaha «Słavianskaha bazaru» Hieorhij Putkaradze — u minułym miesiacy batumiec rvaŭ viciebski amfiteatr trekam «Niebiaśpiečna» biełaruskich rokieraŭ Nizkiz.

Dla haściej padrychtavali vystup vykanaŭcaŭ pieśni «Miensk z charaktaram» — u minułym miesiacy Shuma, Bakiej, Lisa i Valik u ramkach prajekta brenda «Baržomi» #horodscharaktierom zapisali sumiesny trek pra našu stalicu. Jaho možna budzie pačuć viečaram na hałoŭnaj scenie fiestyvalu.

Fudkort «Charaktar ​​haścinny»

40 vyjaznych punktaŭ z chinkali, charčo, chačapury, čurčchiełaj, vinom i «Baržomi» — u hetym hodzie fudkort raźmieścicca pierad Ratušaj i ŭ niekalkich dvorykach pa vulicy Hiercena. Naprykład, atrymać asałodu ad vina i ŭtulnaj atmaśfiery Staroha Tbilisi prapanujuć pa adrasie Hiercena, 2a. Na placoŭcy možna budzie pahulać u damino abo šachmaty, pasłuchać žyvuju muzyku, kupić adzieńnie abo ŭpryhažeńni na markiecie KaliLaska i zrabić ramantyčnaje fota pad charakternym drevam «Baržomi».

Hruzinska-biełaruskaje viasielle «Charaktar ​​ramantyčny»

Na śviacie razhorniecca sapraŭdnaja hruzinska-biełaruskaja ŭračystaść u farmacie imiersiŭnaha teatra: para maładych rychtujecca zhulać viasielle ŭ najlepšych tradycyjach Hruzii i Biełarusi prosta na fiestyvali. Projdzie konkurs na samy doŭhi tost, zavaročvańni dziaŭčat u dyvan na chutkaść i sapraŭdny hruzinski vykup niaviesty.

Akramia hetaha, na placoŭcy budzie pracavać Offline Tinder Borjomi. Ź jaho dapamohaj hości fiestyvalu biez pary zmohuć zamietčycca z kim-niebudź u afłajnie, pravieryć, ci supadajuć charaktary ŭ ich z novym znajomym abo znajomaj, i navat atrymajuć mahčymaść biaspłatna adpravicca ŭ Hruziju.

Turmarkiet «Charaktar ​​ulotny»

Letaś haściam fiestyvalu asabliva spadabaŭsia turystyčny markiet. Kupić pucioŭku ŭ Tbilisi, Kutaisi, Batumi možna budzie i ŭ hety raz, pryčym u karennych žycharoŭ soniečnaj krainy: u hetym hodzie adnym z partnioraŭ placoŭki staŭ Departamient turyzmu i kurortaŭ Adžaryi i nacyjanalnaja administracyja kurortaŭ Hruzii.

Dniom na turystyčnym markiecie projdzie karaokie-konkurs piesień Mieładze. Praśpiavać i vyjhrać ekskursiju pa Hruzii zmoža luby hość fiestyvalu.

View this post on Instagram

#tbilisoba2018❤️ . . Post s miesta sobytij . . Ohromnoje količiestvo ludiej siehodnia na Zybickoj , a vsie potomu čto siehodnia prochodit fiestival #tbilisoba2018 Hruzinskij fiestival . . Na Zybickoj množiestvo razvlečienij , dla dietiej i nie tolko , kanatnaja doroha, hastrodvor . . Płaču ot toho, čto my prosto nie smohli stojať v ohromnych očieriediach za hruzinskimi vkuśniaškami . . Tak i manił mienia chačapuri i baranina na viertiele ždať čas , sovsiem nie było vozmožnosti , chotia takije očieriedi i ažiataž był ožidajem . . Voobŝiem atmośfiera krutaja . . V 22:00 budiet konciert Nino Katamadzie, hruzinskaja džazovaja pievica . . Mołodcy orhanizatory , vsie očień kołoritno i po hruzinski . . . #tbilisoba #hruzija #hruzinskijfiestival #hruzinskajakuchnia #hruzija

A post shared by Zachodi Tut Intieriesno (@vikki_moss) on

Tancavalnaja placoŭka Borjomi Party «Charaktar ​​ruchavy»

Na tancavalnaj scenie Borjomi Party zładziać batły ŭ niezvyčajnym farmacie — vogue suprać brejkdansu, hruzinskija narodnyja suprać jazz-funk. Dniom dla haściej śviata projduć majstar-kłasy. Navučycca hruvić, rabić catwalk abo pasprabavać stancavać Mciułury možna budzie z 12:30 da 14:30, a batły praciahnucca da 20:00.

Dziciačaja placoŭka «Charaktar hareźlivy»

Dziciačaja placoŭka pačnie svaju pracu z samaha pačatku fiestyvalu. Z ranicy tut buduć prachodzić majstar-kłasy pa futbole, na jakija rychtujecca zazirnuć mer Tbilisi Kacha Kaładze — u minułym jon hulaŭ na pazicyi abaroncy ŭ tbiliskim i kijeŭskim «Dynama», «Miłanie» i «Dženoa». Akramia hetaha, možna budzie trapić na treniroŭku pa čydaoba — tradycyjnaj hruzinskaj baraćbie, — a dniom maleńkich udzielnikaŭ fiestyvalu płanujuć navučyć tradycyjnym hruzinskim tancam. Tut ža budzie pracavać placoŭka dla hulni ŭ rehbi. A jašče dla dziaciej zładziać hruzinski art-piknik: raskažuć pra kulturu Hruzii i nakormiać smačnaj ježaj.

Borjomi Active «Charaktar ​​niezvyčajny»

Zaleźci na «skału», prajścisia pa łoŭłajnu abo prajavić śmiełaść i nyrnuć ź vialikaj vyšyni ŭ basiejn, poŭny banačak «Baržomi», — vybirajcie sami. Plus, tolki na hetaj placoŭcy vy zmožacie zrabić pamiatny zdymak z futravym aŭto. Nu i naprykancy, mienavita tut možna budzie afarbavać brovy ŭ jarki koler. Dapamohuć z hetym majstry sałona Fedina, u jakim na minułym tydni, u niadzielu, prajšoŭ konkurs pryhažości «Panna Tbilisoba», dzie hałoŭnym kryteryjem adboru pieramožcy byli brovy. Vybirajcie luby koler i napierad!

Biełaruski kutok «Charaktar ​​biełaruski»

Trapić na majstar-kłas da biełaruskich ramieśnikaŭ? A moža, kupić majku LSTR? I toje, i druhoje možna budzie zrabić na biełaruskaj placoŭcy «Tbilisoby».

Vas navučać sprytna pleści sałomku i fiermientavać harbatu. Daŭno chacieli pasprabavać? Kali łaska, prychodźcie.

Tut ža šukajcie i śpiecyjalny punkt «Našaj historyi». Nie chapaje niejkich numaroŭ časopisa? Chočacie pačytać-pahartać? Prychodźcie! Darečy, budzie mahčymaść vyjhrać časopis i inšyja pryzy.

Vulica tradycyj Mamuli «Charaktar ​​hruzinski»

Kali vy chočacie navučycca hruzinskaj kalihrafii, a moža, daŭno dumajecie razabracca ŭ tym, jak pravilna valić z voŭny abo majstravać manietnicy sa skury — vam varta zazirnuć siudy. Tut vy navat zmožacie adčuć siabie krychu Pirasmani — pasprabujecie namalavać hruzinski piejzaž. Vinom.

Rynak hruzinskich majstroŭ «Charaktar ​​tempieramientny»

Charakternyja tavary, jakija možna kupić tolki na hruzinskim bazary: banačka niezvyčajnych śpiecyj, škarpetki z chinkali, čurčchieła. Nie błytajcie ź biełaruskim, tolki tut možna znajści minankary — charakternyja hruzinskija ŭpryhažeńni ź pieraharodkavaj emali. Nu ci kupić kieramiku ad udzielnikaŭ arhanizacyi «Dobraja sprava». Kałarytnaje miesca budzie pracavać z 12:00 da 24:00.

Łajnap fiestyvalu

13:30 — 15:00 — vystupy ansambla Iriao, tancavalnaha ansambla «Soniečnaja Hruzija»

15:00 — 15:30 — aficyjnaje adkryćcio «Tbilisoba»

15:30 — 17:00 — vystupy ansambla Iriao, Hieorhija Putkaradze, hruzinskaha šmathałośsia «Švidkaca»

17:00 — 20:30 — pierapynak

20:30 — 22:00 — vystupy šmathałośsia «Švidkaca» i Davida Hamarteli, Hieorhija Putkaradze, ansambla Iriao. Prahučyć trek «Miensk z charaktaram» (Bakiej, Shuma, Lisa, Valik)

23:00 — 24:00 — Mgzavrebi

NN.by

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031