U Minsku sud vynies prysud čarhovaj hrupie ašmianskich mytnikaŭ
Sprava ŭ adkrytym pasiadžeńni słuchałasia amal hod. 11 byłych supracoŭnikaŭ punkta propusku «Kamienny Łoh» pryznali vinavatymi pa č. 3 art. 430 KK «Atrymańnie chabaru ŭ asabliva bujnym pamiery». Piaciarych abvinavačanych prysudzili da 5 hadoŭ pazbaŭleńnia voli, adnaho — da 5,5 hoda, jašče piaciarych — da šaści hadoŭ. Adbyvać pakarańnie jany buduć u kałonii ŭzmocnienaha režymu, piša Tut.by.
Siońnia ŭ sudzie Frunzienskaha rajona Minska abviaścili prysud 11 byłym supracoŭnikam Ašmianskaj mytni. Pakul išoŭ sud, 7 čałaviek znachodzilisia pad vartaj, jašče čaćviora pad padpiskaj ab niavyjeździe. Pa viersii śledstva, złačynnaj hrupaj (havorka idzie pra ŭsich 58 fihurantaŭ spravy mytnikaŭ) byŭ naniesieny ŭron na sumu 876 tysiač dalaraŭ i 19 tysiač jeŭra.
Astatnich abvinavačanych supracoŭnikaŭ punkta propusku «Kamienny Łoh» praciahvajuć sudzić u Partyzanskim, Kastryčnickim i Zavodskim sudach Minska. Prysud im budzie abvieščany ŭ bližejšy čas.
