Znajści
Ałharytmičny łacinski varyjant
03.05.2013 / 20:387RusŁacBieł

«Młyn mody — 2013»: pakaz finalnych kalekcyj

Sioleta na fiestyvali-konkursie mody i fota «Młyn mody» buduć pakazanyja 110 kalekcyj biełaruskich dyzajnieraŭ. Fiestyval prachodzić u minskim Pałacy sportu 3—4 maja, a padrychtoŭka da jaho pačałasia jašče ŭ vieraśni 2012 hoda.

Jak paviedamiła na pres-kanfierencyi 3 maja zahadčyca adździeła mody i dyzajnu Nacyjanalnaha centra mastackaj tvorčaści dziaciej i moładzi (NCMTDiM) Śviatłana Hniedzianok, pieršy etap konkursu ŭjaŭlaŭ saboj adukacyjnyja sieminary, jakija naviedali prykładna 400 čałaviek. U druhim — eskiznym — tury ŭdzielniki pradstavili na papiery bolš jak 300 ułasnych kalekcyj, paśla pašyvu jakich byli adabranyja 250—270, što prajšli ŭ treci tur.

Pakaz finalnych kalekcyj adbudziecca ŭ Pałacy sportu 3 maja, žury budzie aceńvać ich u dźviuch naminacyjach: «Škoła mody», u jakoj udzielničajuć tolki navučency prafiesijna-techničnych i siarednich śpiecyjalnych navučalnych ustanoŭ, i «Majstar mody», udzieł u jakoj mohuć brać dyzajniery roznych uzrostaŭ.

Taksama na fiestyvali buduć vyznačany pieramožcy ŭ naminacyjach «Fota», «Madel-debiut fiestyvalu-konkursu», «Najlepšaja top-madel fiestyvalu-konkursu», «Mis (mistar) madel Biełarusi», «Majstar stylu».

Jak paviedamiła dyrektar NCMTDiM Nadzieja Vasilčanka, žury vybiare pieramožcaŭ siońnia viečaram, ale ich imiony buduć nazvanyja na cyrymonii ŭznaharodžańnia 4 maja.

4 maja, akramia ŭznaharodžańnia pieramožcaŭ, adbudziecca pakaz najlepšych kalekcyj udzielnikaŭ fiestyvalu, pakaz haściavych kalekcyj, kancert z udziełam hurtoŭ «Stary Olsa», Drum Ecstasy, teatra sučasnaj chareahrafii D.O.Z.SK.I, «vKubie», «T(je)=Art», doma pryhažości «Musson». Taksama ŭ hety dzień adbudziecca pakaz kalekcyi dabračynnaha prajekta «Stylny pačatak», jakuju na podyumie pakažuć dzieci ź Minskaj abłasnoj škoły-internata dla dziaciej z parušeńniem słychu.

Videa Andreja Korsaka, BiełaPAN

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031