Знайсці
07.02.2023 / 22:252РусŁacБел

«Не хацелася хадзіць на нелюбімую працу». У Магілёве хлопец сам працягнуў сабе бальнічны і патрапіў пад крыміналку

У магілёўскую міліцыю звярнуўся спецыяліст аддзела кадраў адной з арганізацый і паведаміў, што слесар па рамонце аўтамабіляў падаў лісток непрацаздольнасці, выдадзены яму паліклінікай, з прыкметамі падробкі. Пасля таго ў 20-гадовага супрацоўніка гэтай арганізацыі пачаліся вялікія непрыемнасці.

Экспертыза засведчыла, што дакумент сапраўды падроблены, у ім 10 снежня 2022 года было выпраўленае на 13 снежня. 

Хлопец прызнаўся, што «працягнуў» сабе бальнічны свядома. Паводле яго, яму не хацелася хадзіць на нялюбую працу, на якую ён накіраваны па размеркаванні. У нейкі момант ён адважыўся на прагулы ў надзеі, што гэта шлях да звальнення. Але праз пару дзён звальняцца перадумаў і вырашыў такі выйсці на працу, прыкрыўшы прагулы выпраўленай датай у лістку непрацаздольнасці.

У выніку яму цяпер пагражае крымінальная адказнасць за падробку і выкарыстанне падробленага дакумента.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
07.02.2023
Рабства нікуды не знікла.
08.02.2023
А при чем рабство к подделке документом? Разе в развитых странах нету за такое наказания?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера