Знайсці
05.02.2023 / 11:405РусŁacБел

Аўтар «Прэсбола» шкадуе, што БТ не пачало займацца пірацтвам раней

Аўтар газеты «Прессбол» Сяргей Вярсоцкі выказаўся на яе старонках наконт паказу тэлеканалам «Беларусь 5» матчаў Australian Open з парушэннем аўтарскіх правоў, піша Tribuna.

«Зусім раптоўна, без маштабных анонсаў і змен у праграме перадач тэлеканал «Беларусь 5» паказаў у запісе паўфінальныя матчы Australian Open з удзелам Азаранка і Сабаленка. А пазней у жывым эфіры — і пераможны фінал першай ракеткі Беларусі.

Айчынныя аматары тэніса не чакалі такога павароту падзей. Усе два тыдні турніру яны глядзелі матчы на канале «Еўраспорт», якому, уласна, і належалі асноўныя правы на паказ AO ў Старым Свеце. З улікам таго, што на «Беларусь 5» прафесійныя турніры не паказвалі ўжо даўнавата, на падобны сюрпрыз ніхто не разлічваў.

Ды і самі тэлевізіёншчыкі не спяшаліся растлумачыць сітуацыю. Толькі перад фіналам тэлеграм-канал Агенцтва тэлевізійных навін намякнуў на прынцып трансляцыі сігналу і паведаміў пра адкрыццё нейкага рублёвага рахунку за гэты паказ.

Як аказалася, у Беларусі з 3 студзеня працуе Закон пад нумарам 241-3 «Аб абмежаванні выключных правоў на аб’екты». Гэты дакумент «дапускае выкарыстанне аб’ектаў інтэлектуальнай уласнасці без згоды (дазволу) праваўладальніка або арганізацыі… з замежных дзяржаў, якія здзяйсняюць недружалюбныя дзеянні». Такімі аб’ектамі лічацца камп’ютарныя праграмы, аўдыявізуальныя і музычныя творы, перадачы арганізацый вяшчання.

Застаецца шкадаваць, што Палата прадстаўнікоў, якая прыняла гэты закон, разгойдвалася так доўга, ратыфікаваўшы яго толькі 20 снежня. Спрацуй яна больш аператыўна, беларускаму народу яшчэ ў лістападзе зладзілі б свята футбола — тэлетрансляцыю ўсіх матчаў ЧС — 2022», — напісаў Вярсоцкі.

Чытайце таксама:

«Крычы, б***». На БТ каментатара нецэнзурна прымушалі заўзець за Сабаленку

«Беларусь 5» паказала пірацкія запісы паўфіналаў Australian Open з удзелам беларусак

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
даведка/адказаць/
05.02.2023
А вот если бы Объединённые Арабские Эмираты наладили «параллельную» трансляцию «Беларусь 5», то бедному Лукашенко в бункере не пришлось бы смотреть без перевода на иностранном языке, которого они с Умкой не знают...  Поэтому оставалось только попивать водочку да закусывать нарезанными бананами.
0
Яўхім/адказаць/
05.02.2023
Вярсоцкаму трэба пайсьці далей - апрануць мядзьведжую шкуру, адгадаваць бараду і доўгія валасы, узяць дубіну і бегаць па вуліцы ў пошуках “недружалюбных” людзей, каб і іх рабаваць. Але, напэўна, нават у першабытных людзей і барбараў былі больш адэкватныя погляды на жыцьцё.
0
Железный Дровосек /адказаць/
05.02.2023
Лепш бы шкадаваў,што бт разам з ім не мае ані годнасці,ані гонару,што дазваляе ім камуніздзіць чужое. Гэта ўжо дыягназ.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера