Знайсці
31.01.2023 / 11:197РусŁacБел

Борыс Джонсан назваў памылку Захаду, без якой не было б вайны РФ ва Украіне

Былы прэм'ер-міністр Вялікабрытаніі Борыс Джонсан лічыць, што поўнамаштабнага ўварвання Расіі ва Украіну можна было б пазбегнуць, калі б Захад меў смеласць і паслядоўнасць у тым, каб прывесці Украіну ў НАТА. Яго калонку ў The Washington Post цытуе «УП».

Фота: Офіс прэзідэнта Украіны праз АР

«Дзесяцігоддзямі мы выкарыстоўвалі дыпламатычную двухсэнсоўнасць на тэму НАТА і Украіны — і гэта скончылася поўнай катастрофай. Мы гадамі расказвалі ўкраінцам, што праводзім палітыку «адчыненых дзвярэй» у НАТА, што яны маюць права «выбіраць свой лёс» і што Расія не павінна мець права вета. І ўвесь гэты час мы недвухсэнсоўна давалі зразумець Маскве, што Украіна ніколі не ўступіць у альянс — таму што вельмі многія члены НАТА самі прыменяць сваё права вета», — напісаў Джонсан.

Вынікам такой стратэгіі, паводле Джонсана, стала «найгоршая вайна ў Еўропе за апошнія 80 гадоў».

У выніку «прэзідэнт Расіі Уладзімір Пуцін разбурыў незлічоную колькасць жыццяў, дамоў, надзей і мараў».

«Пуцін уварваўся не таму, што думаў, што Украіна збіраецца ўступіць у НАТА. Ён заўсёды ведаў, што гэта малаверагодна. Ён напаў на Украіну, таму што лічыў — і меў шматлікія доказы гэтага — што мы не вельмі сурʼёзна ставіліся да абароны Украіны», — мяркуе Джонсан.

Паводле яго, калі б краіны Захаду былі дастаткова смелымі і паслядоўнымі, каб прывесці Украіну ў НАТА, то «гэтай поўнай катастрофы можна было б пазбегнуць».

Джонсан адзначыў, што цяпер падтрымка членства ў НАТА ва Украіне вельмі высокая, 83 працэнты ўкраінцаў лічаць, што Украіна павінна стаць членам Альянсу.

«Сёння ўкраінцы выкарыстоўваюць ашаламляльную колькасць разнастайнай тэхнікі з краін НАТА з незвычайным майстэрствам і адвагай… Не НАТА магло б вучыць украінцаў, як весці вайну — на самай справе, ёсць шмат таго, чаму яны маглі б навучыць нас», — напісаў былы прэмʼер Брытаніі.

Джонсан таксама напісаў, што «ўкраінцы павінны атрымаць усё неабходнае, каб скончыць гэтую вайну як мага хутчэй».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
155
Панылы сорам
3
Ха-ха
3
Ого
2
Сумна
5
Абуральна
0
0
kgb-gestapo/адказаць/
31.01.2023
Angela Merkel postavliala v Belarusj besU-lukoschenke sredstva dlia podavlenija narodnyx protestov protiv netschistoj sily kgb-gestapo.Berlin obutschal lukaschistov poljzovatsia nemezkimi ustrojstvami dlia podavlenija narodnyx protestov protiv besalukoshenko
0
Олег /адказаць/
31.01.2023
[Рэд. выдалена]
03.02.2023
короче ясно сами как русаки - нужно было бы нато на восток и все ок
вместо того чтобы признать что х ложили на трансформацию обзества в рашке и растили диктаруру начиная с ельцина

Ну что путлера аргументы выглядят логичными на это фоне - кто успел -тот и съел
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера