Да святочнага стала. Канапэ з беконам і яйкам — яркая і смачная закуска

Фота: BBC Food

Каб згатаваць канапэ з беконам і яйкам, вам спатрэбіцца:

• 150 грамаў мукі
• 100 грамаў халоднага масла, нарэзанага на кубікі
• 1 узбітае яйка + 2 вараныя і ачышчаныя яйкі
• 2 сталовыя лыжкі сланечнікавага алею
• 4 тонкія палоскі бекону без скуры, нарэзаныя на кавалкі даўжынёй 5 сантыметраў
• 4 сталовыя лыжкі маянэзу
• соль і молаты чорны перац
• 6 перапяліных яек (вараных і ачышчаных)
• лісце рукалы

1. Каб зрабіць цеста, змешвайце муку і масла ў кухонным камбайне ці ў блэндары, пакуль яны не стануць падобныя да паніровачных сухароў.
2. Пакуль камбайн яшчэ працуе, дадайце ў цеста ўзбітае яйка і працягвайце ўсё перамешваць, пакуль сумесь не пачне збірацца ў шар. Рукамі сфармуйце з яе шар і прыпляшчыце яго.
3. Раскачайце цеста на пасыпанай мукой працоўнай паверхні і з дапамогай формачкі дыяметрам 7,5 сантыметраў выражце 12 кружкоў. Вазьміце форму для кексаў з 12 выемкамі і пакладзіце ў кожную з іх па кружку з цеста.
4. Накаліце цеста відэльцам і адпраўце ў маразілку на гадзіну.
5. Разагрэйце духоўку да 200 градусаў.
6. Выпякайце формы з цеста на працягу 15—18 хвілін ці пакуль яны трохі не падрумяняцца і не прапякуцца. Дастаньце з духоўкі і перакладзіце на рашотку, каб астудзіць.
7. Каб зрабіць начынку, разагрэйце алей у невялікай патэльні з антыпрыгарным пакрыццём і смажце ў ёй бекон на сярэднім агні па 1—2 хвіліны з кожнага боку да з’яўлення хрусткай корачкі. Высушыце бекон ад тлушчу на папяровай сурвэтцы ці рушніку.
8. Разамніце курыныя яйкі з маянэзам, дадайце соль і чорны перац на смак, перамяшайце.
9. Выкладзіце сумесь лыжкай у свежаспечаныя формачкі для тарталетак.
10. Перапяліныя яйкі разрэжце напалову і пакладзіце на кожную тарталетку па палове яйка. Дадайце кавалак бекону і ўпрыгожце рукалай.

Рэцэпт на выхадныя. Блін па-фінску

Пяць памылак, якія не даюць вам зварыць смачны суп

Рэцэпт на выхадныя. Лімонныя кексы — простыя, прыгожыя, смачныя

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

3

0

0

0

1

3