Знайсці
30.11.2022 / 13:456РусŁacБел

Беларускі рынак новых аўто чакае татальная кітаізацыя. Вось якія брэнды прыйдуць на змену сусветным

Узровень лаяльнасці да аўтамабіляў кітайскіх брэндаў з боку беларусаў расце. Сёлета на першае месца па продажы выйшлі менавіта кітайскія аўто. І іх доля працягне расці, прагназуюць прадстаўнікі дылераў. Тлумачым чаму.

Апошнія гады найбольш значную долю сярод прадаваных у Беларусі новых аўто займалі тыя, што вырабляліся на тэрыторыі РФ. Доля такіх машын складала больш за 80%.

Аднак пасля нападу Расіі на Украіну сусветныя аўтавытворцы, якія прысутнічалі на расійскім рынку, адзін за адным спачатку заявілі аб прыпыненні сваёй дзейнасці на тэрыторыі РФ, а пазней пачалі казаць пра поўны сыход. 

РФ пакінулі такія гіганты, як VW, Renault, Ford, BMW і шэраг іншых аўтавытворцаў. Так, на маскоўскім заводзе Renault цяпер замест аўтамабіляў французскага брэнда, якія ўваходзілі ў топ-5 прадаваных аўто ў Беларусі, будуць выпускаць «Масквіч», які па сутнасці з'яўляецца кітайскім JAC JS4. 

JAC JS4. Фота: ccarprice.com

На калінінградскім заводзе «Аўтатор», дзе да вайны збіралі BMW, Kia і Hyundai, да канца года плануюць наладзіць выпуск аўтамабіляў трох кітайскіх брэндаў. 

На заводзе Sollers, дзе раней выпускалі Ford Transit, цяпер будуць збіраць кітайскія мікрааўтобусы і грузавікі JAC. Адну з мадэлей, якую плануюць збіраць у Расіі, у Беларусі ўжо выпускаюць з 2018 года. Робяць гэта пад брэндам МАЗ. 

Фота: прэс-служба МАЗа

Адным з найбольш верагодных прэтэндэнтаў на зборку машын на былым заводзе Nissan у Расіі называюць кітайскі FAW.

Іншыя сусветныя аўтавытворцы, якія заявілі пра сыход з рынку, чакаюць пакупнікоў сваіх актываў у РФ. Сярод іх VW, Toyota і Mercedes-Benz. 

Апроч кітайскіх вытворцаў на рынак РФ прыходзіць іранская кампанія Iran Khodro. Днямі Іран падпісаў з Расіяй мемарандум аб экспарце сваіх аўтамабіляў на 300 мільёнаў даляраў. Беларусам марка вядома тым, што раней у нас ужо збіралі іранскія Samand. 

Пакуль расійскія заводы, на якіх да нядаўняга часу выпускалі аўтамабілі сусветных брэндаў, перабудоўваюцца пад зборку кітайскіх машын, у Беларусі пачынаюць з'яўляцца новыя дылеры, якія прадаюць новыя для нас брэнды з Кітая. Так, напрыклад, у кастрычніку ў Мінск прыбыла першая партыя ліфтбэкаў JAC J7. Аўтамабілі маркі JAC пачынаюць прадаваць і там, дзе раней прадавалі Mazda. Іншыя дылеры прапануюць пакупнікам багі і квадрацыклы кітайскага вытворцы Hisun. Таксама на беларускім рынку актыўна прасоўваюцца кітайскія Haval і Chery. 

Імаверна, доля аўто з кітайскімі каранямі на нашым рынку працягне расці, бо на заводах, дзе раней рабілі BMW, Renault ці Nissan, цяпер будуць збіраць JAC, Chery і FAW. 

Заканадаўства ЕАЭС арыентавана на тое, каб у краіны садружнасці імпартавалася як мага менш транспарту з трэціх краін. Высокія загараджальныя пошліны і іншыя патрабаванні робяць імпарт машын не толькі дарагім, але і дастаткова складаным. Менавіта таму большасць новых аўто, якія прадавалі ў нашых салонах, былі зроблены на тэрыторыі Расіі, дзе сканцэнтравана асноўная маса заводаў.

«Наша Нiва» — бастыён беларушчыны

ПАДТРЫМАЦЬ

Чытайце таксама: 

У Расіі збіраюцца выпускаць уласныя мінівэны. Толькі паглядзіце, як яны выглядаюць і за колькі будуць прадавацца

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Редкий случай/адказаць/
30.11.2022
Максим Дизайнер, редкий случай, когда согласен с вами на 120%.
Да, белорусов, заставили платить за китайское, третьесортное гу...но, цену равную мировым брендам и высшему качеству.
 И ещё, китайские, серьёзные и государственные компании, никогда не сунуться на рынок РБ, опасаясь вторичных санкции США, будут работать через пятые руки (что увеличит многократно цену), либо остануться те, кому терять нечего.
 Показателен сайт алиэкспресса, на нормальную версию, где большой выбор товаров и много производителей, с белорусским или российским айпи адресом не попадаешь, срабатывает переадресация на жалкое подобие основного сайта, где остались те, кто не боится вторичных санкции США, с ядрёными ценами и третьесортным качеством, даже по китайским меркам. Но белорусы приведены к такому состоянию, что и этому рады, из-за ядрных цен и тотального дефицита внутри Беларуси. На фоне тотальной, нищей русификации, выбирают тотальную китаизацию.
0
Ян Норман/адказаць/
05.12.2022
Узровень лаяльнасці расьце?)))Спытайце пра лаяльнасць у трох-чатырохгадовага гаспадара кітайскага "шайзу".Ну калі яшчэ адшукаеце такога.


0
Максим Дизайнер/адказаць/
05.12.2022
Редкий случай

С алиэкспрессом не сочиняйте. Во-первых, я вообще не понимаю, чем можно заниматься европейцам на алиэкспрессе, кроме скупки оптом китайского хлама, и втюхивания его на месте по тройной цене. А во-вторых, есть E-bay и Amazon, с которых все прекрасно доезжает до нашей деревни
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера