Знайсці
09.11.2022 / 10:2010РусŁacБел

Першага тунэля Hyperloop Ілана Маска больш няма. Чаму ідэя так і не была рэалізаваная?

Тэставы тунэль, у якім у 2018 і 2019 гадах праходзілі студэнцкія спаборніцтвы, быў прыбраны і заменены парковачнымі месцамі для супрацоўнікаў SpaceX.

Фота: vecteezy.

Першага прататыпа тунэля Hyperloop Ілана Маска больш няма. The Verge паведамляе, што белы сталёвы тунэль, які месціўся ля штаб-кватэры SpaceX у Каліфорніі, быў прыбраны і заменены на парковачныя месцы для супрацоўнікаў.

Магчыма, вы памятаеце, як Маск збіраўся пазбавіцца затораў на дарогах, пабудаваўшы Hyperloop — сістэму тунэляў, якая зрабіла б рэвалюцыю ў транспарце. Ён таксама сцвярджаў, што можа капаць тунэлі хутчэй і эфектыўней, чым большасць сучасных сістэм бурэння, якія, як ён справядліва сцвярджаў, былі працаёмкія і дарагія.

Маск казаў, што можа змяніць спосаб перамяшчэння большасці людзей. Згодна з Маскам, час шляху ад Сан-Францыска да Лос-Анджэлеса павінен быў скараціцца да 30 хвілін. А тунэль ля штаб-кватэры павінен быў служыць дэманстрацыяй яго меркавання.

Надземная труба была цэнтральнай часткай спаборніцтваў Hyperloop у 2018 годзе, калі дзясяткі студэнцкіх каманд з усяго свету сабраліся на паркоўцы SpaceX, каб паспаборнічаць на сваіх капсулах. У наступным годзе было яшчэ адно студэнцкае спаборніцтва, і Маск прадказваў, што трэцяя гонка будзе ўключаць 10-кіламетровы вакуумны тунэль.

Але за апошнія некалькі гадоў амбіцыі Маска па Hyperloop значна паменшалі. Першапачатковая прапанова аб падземнай транзітнай сістэме прадугледжвала шатлы, якія, дзякуючы магнітам, левітуюць і рухаюцца па вакуумных трубах з хуткасцю да сотняў кіламетраў у гадзіну. Гэтая ідэя была заменена тунэлямі, якія могуць змясціць толькі аўтамабілі Tesla. Іншыя стартапы Hyperloop закрыліся або перайшлі на перавозкі грузаў.

Між тым Boring Company Маска ўжо некалькі гадоў працуе над стварэннем сістэмы тунэляў пад Лас-Вегасам, у той час як намаганні па капанні ў такіх гарадах, як Чыкага, Лос-Анджэлес і іншых, праваліліся.

Ілюстрацыя: vecteezy.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Вася/адказаць/
10.11.2022
вмешаюсь в ваш досужий спор с информацией а не оскорблениями, да поймите ж вы наконец, это не "маска попросили и он дал" а решение американского правительства, ему сказали чтоб он дал и он дал.
0
Маск шарлатан нумар 1/адказаць/
11.11.2022
Бо і Маск і ўсё што ён як бы стварае гэта фэйкі
0
Common sense /адказаць/
09.09.2023
Зачем столько воды? Это просто бизнес,ничего личного. Не так много людей в мире нужна спутниковая связь,плюс вдобавок на идин терминал который использует ВСУ приходится десяток терминалов, которые украинцы используют для гражданских целей,купленые за полную цену и платящие полную абонентскую плату.. Маск это не наивный меценат это жёсткий бизнесмен и бабло с украинцев он стрижет пополной. Да и на счёт путина он не бессеребренник. У них вполне взаимовыгодное сотрудничество хотя-бы по космосу.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера