Знайсці
04.11.2022 / 09:0721РусŁacБел

«Каб не курыла і была без татуіровак». Мінчук шукае жонку праз аб'явы на слупах

«Не жарт, усё пераспрабаваў, нічога не дапамагае», — кажа Генадзь. Жаніх распавёў пра сябе агенцтву «Мінск-Навіны».

«Шукаю будучую жонку, якая не курыць, узростам ад 23 да 32 гадоў, ростам ад 170 см. Я, Генадзь, 32 гады, рост 194 см, вага 90 кг. Адукацыя вышэйшая, не куру, алкаголь рэдка, машына ёсць, кватэру будую, па характары добры, спакойны, падатлівы».

«Шукаю жонку даўно, гады чатыры, — дзеліцца Генадзь. — Падыходзіў да дзяўчат на вуліцы, у кафэ, нават на моры. Пісаў на сайтах знаёмстваў. Мне здаецца, там знайсці даму сэрца немагчыма. Віртуальныя залётнікі ім пішуць тысячы паведамленняў, таму ў мае сур'ёзныя намеры ніхто не верыць. Павесіць аб'явы — адзін з многіх метадаў знаёмства, да якога прыйшоў, калі зусім страціў надзею.

Першую аб'яву прыляпіў у пачатку лета — за чатыры месяцы былі званкі ад трох дзяўчат. На жаль, з ніводнай з іх у нас не склаліся адносіны. Першая шукала сабе партнёра для танцаў, другая — патрабавала аплаціць ёй абанементы на фітнес і масаж. Трэцяя сказала, што стары для яе.

Малады чалавек упэўнены, што аб'ява ўвасабляе тое, што ў наш час складана знайсці другую палову. Гэтаму перашкаджаюць такія фактары, як праца, страх знаёміцца з новымі людзьмі, быць адпрэчанымі.

— Хутка мне споўніцца 33 гады, трэба ўзмацніць пошукі, — распавядае Генадзь. — Баюся, што праз некалькі гадоў нічога не захочацца. Расклеіў аб'явы на вуліцах каля дома і працы. Так будзе бліжэй падвозіць дзяўчыну пасля кіно. Сапраўдны мужчына не баіцца расходаваць бензін, але і вешаць паперкі ў іншы раён не паедзе.

Па словах суразмоўцы, у адносінах ён быў, нават быў жанаты. Шэсць гадоў таму развёўся. Сына выхоўвае былая жонка. З іншымі дзяўчатамі ў хлопца не складалася: знікалі, калі заходзіла гаворка пра дзяцей.

— Бурацца ў наш час каштоўнасці шлюбу і сям'і як ячэйкі грамадства і гаранта будучыні, — кажа Генадзь. — Так, тысячы людзей глянуць на аб'яву і скажуць, што дурань. Але мяне яны не цікавяць. Калі патрэбная дзяўчына зверне на мяне ўвагу — будзе дастаткова.

«Паколькі ведаю сабе цану, то і да будучай жонкі прад'яўляю пэўныя патрабаванні. Яна не павінна курыць, без залежнасцяў, мусіць жадаць завесці моцную сям'ю з дзецьмі. Таксама мне хацелася б, каб яна імкнулася шмат чаго дамагчыся і была за раўнапраўе. З вышэйшай адукацыяй, верная і добрая, прыгожая і сур'ёзная. Ростам вышэй за 168 см, без татуіровак», — кажа хлопец. 

Генадзь — доктар-уролаг. Захапляецца кіно, тэатрам, прыродай, більярдам і боўлінгам, настольным тэнісам. Любіць выязджаць на шашлыкі. Акрамя таго, гуляе ў шашкі і шахматы, займаецца плаваннем і вывучае англійскую мову.

— Будаўніцтва кватэры і праца цяпер адымаюць шмат часу, таму на захапленні яго амаль не застаецца, — адзначае хлопец. — Але зацікавіць дзяўчыну магу. Я кантактны чалавек, гатовы падзяляць з будучай жонкай усе яе інтарэсы, разам выхоўваць дзяцей. Са сваіх мінусаў магу назваць толькі тое, што празмерна ласкавы і па характары падатлівы. Супраць свабодных адносін. Не адрозніваюся прыгажосцю — але важна глядзець на ўнутраныя якасці, а не на абалонку.

«Баюся састарэць, таму дзяцей планую завесці цяпер, каб гадаваць іх, пакуль малады, а не на пенсіі. Мне патрэбная стабільнасць, а менавіта — сям'я. Упэўнены, што трэба працягваць пошукі. Хочацца дарыць сваю любоў і клопат», — рэзюмуе Генадзь.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
05.11.2022
нейкия у яго руки загрэбуки...
0
Реалистка/адказаць/
06.11.2022
шалена бджілка, в смысле, идеален? Он жадный, требовательный, с двойными стандартами, некрасивый, неграмотный, без жилья, алиментщик. И почему молодые красотки не выстраиваются в очередь?))
0
Максим Дизайнер/адказаць/
05.12.2022
Идиот!Ребенок - есть!Квартира - строится!Высокий, не жирный. Зачем тебе этот хомут?Тут же одни скучные и несчастные домоседки живут, у которых на уме только одно, быстрее бы съехать, в путешествие, а лучше - навсегда.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера