Знайсці
01.10.2022 / 13:02 6

Расійскія войскі б'юцца за калідор, каб вывесці гарнізон Лімана з акружэння

Гарнізон Лімана прабіваецца ў бок Крамянной па дарозе, якая прастрэльваецца ўкраінскай артылерыяй. Тым часам ідзе бой за кантроль над пасёлкам Торскае на правым беразе ракі Жарабец.

Мапа стану фронту па стане на 1 кастрычніка паводле «Рыбаря». Расійскія войскі б'юцца за калідор ад Лімана да Крамянной

«У самім горадзе Ліман застаецца не такі вялікі кантынгент абарончага гарнізона: усе войскі рассяроджаныя ўздоўж дарогі Ліман — Зарэчнае — Торскае і на ўскраінах Лімана, Ямпаля і Стаўкоў», — піша расійскі франтавы блогер «Рыбарь», рыхтуючы грамадскую думку да пакідання Лімана.

Ці ўдасца расійскім войскам прарвацца з ліманскага атачэння, ці частка іх трапіць ў палон? Паведамленні з фронту пакуль супярэчлівыя. 

«Батальён «БАРС» адведзены з Дробышава ў раён Крамянной. Хлопцы жывыя», — паведамляе расійскі прапагандыст WarGonzo.

«У Лімане многа што не так, як здаецца. Да пазітыву далёка», — паведамляе «Сладков+».

«Незалежна ад таго, чым скончыцца ліманская эпапея, хлопцы нават не ўяўляюць да канца, што яны зрабілі. Украіне патрэбны быў тэмп, трэба было лавіць момант пасля Харкаўскага наступу і ціснуць нас на ўсіх напрамках. Яны былі на куражы, у іх быў рэсурс, цалкам рэалістычныя планы, ініцыятыва … але сутыкнуліся з супрацівам у Лімане і завязлі, — суцяшае расійскі камандзір Аляксандр Хадакоўскі. — Нават калі гарнізон Лімана падзе — сваю звышзадачу ён выканаў».

29 верасня ўкраінскія войскі ўзялі Ямпаль і Стаўкі, тым самым практычна замкнулі кола акружэння вакол Лімана, які ўтрымліваюць некалькі тысяч расійскіх вайскоўцаў.

Уначы з 29 на 30 верасня расійскі гарнізон Дробышава адступіў у бок Лімана. Паведамлялася, што ўкраінскія войскі прастрэльваюць дарогі Ліман — Сватава і Ліман — Крамянная.

30 верасня з'явіліся паведамленні пра тое, што расійскае камандаванне кінула рэзервы, каб прарваць атачэнне Лімана. Паводле інфармацыі расійскіх блогераў, пад Крамянную перакінулі «вагнераўцаў» з-пад Бахмута і часткі Паўднёвай вайсковай акругі. Ідуць баі, пра іх вынік пакуль не паведамляецца.

У мясцовых чатах пішуць, што, у прыватнасці, працягваюцца баі за Торскае — пасёлак на дарозе Ліман — Крамянная.

Украінскае камандаванне не паведамляе пра вызваленне населеных пунктаў, пакуль не дасягае працяглага і ўстойлівага кантролю над імі.

Ліман — горад на поўнач ад левага берага Северскага Данца. Да вайны ў ім жыло каля 22 тысяч чалавек. Расійскія войскі занялі яго 29 мая, пасля баёў.

Паўночней украінцы стварылі шматлікія плацдармы на левым беразе ракі Аскол і наступаюць ад Лазавой, Купянска ды Двурэчнай у кірунку Баравой і Сватава.

Сватава — райцэнтр на поўначы Луганскай вобласці, да вайны ў ім жыло 16 тысяч чалавек. Расійскія войскі акупавалі горад 6 сакавіка, на 11-ы дзень вайны.

Вызваленне Сватава мела б як стратэгічныя, так і маральныя наступствы. Гэта быў бы першы вызвалены райцэнтр Луганскай вобласці, якая на сёння амаль цалкам кантралюецца расійскімі войскамі.

У выніку імклівага наступу 5—10 верасня ўкраінская армія вызваліла Балаклею, Купянск, Ізюм і Ваўчанск, а расійскія злучэнні хаатычна адступілі на левыя берагі рэк Северскі Данец і Аскол. У выніку расіянам не ўдалося стварыць надзейнай лініі абароны па гэтых рэках, як яны спадзяваліся, але і ўкраінская армія не заняла з налёту Ліман і Сватава.

Баі рознай інтэнсіўнасці на подступах да гэтых гарадоў працягваюцца ўжо амаль два тыдні.

Адначасова расійскія блогеры і камандзір Аляксандр Хадакоўскі паведамілі, што расійскія войскі пакінулі раней захопленыя пазіцыі ў Мар'інцы і Пясках пад Данецкам.

У той жа час пад Херсонам і Запарожжам працягваюцца пазіцыйныя баі, лінія фронту не мяняецца.

Выглядае, што рэзервы расійскага камандавання вычарпаліся, і спадзявацца Расіі застаецца толькі на новых мабілізаваных. Але і Украіна пакуль не мае дастаткова рэзерваў і авіяцыі, каб ствараць вялікія катлы, і абмяжоўваецца павольным прасоўваннем.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Котя / адказаць
01.10.2022
Торское на левом берегу. Не по карте смотрят, а по течению.
0
Пані Поні / адказаць
01.10.2022
Абыр, лухта, яны не вышли, их выносяць. ,,,,,,,,, У Лиман Донецької області зайшли українські військовослужбовці, в місті ще йдуть бої. Про це повідомив речник Східного угруповання військ Збройних сил України Сергій Череватий в ефірі інформаційного телемарафону. "Ми уже в Лимані, але точаться бої, деталі будуть згодом", - наголосив він.За словами Череватого, російські окупанти масово просили російське командування про підмогу, але "напевно, всі дивилися концерт на Червоній площі, тому не могли підійти... А прийшли наші війська". Речник зазначив, що в цій битві є "кілька важливих моментів - продовжити успішну Харківську операцію, бо, як правило, війська йдуть на певному підйомі, куражі. А друге - захопити важливий район, який відкриває ворота для звільнення нашого Донбасу - це далі на Сватове, Кремінну, Сєвєродонецьк". При цьому на запитання -коли це буде здійснено - відповів, що це вирішуватимуть штаби. Він наголосив, що це і "важливий психологічний момент - оточення великого угруповання противника, який перед тим бахвалився своєю непереможністю"."І це нищівний психологічний момент для противника, бо там билися не останні війська, там билися професійні військові, так званий "Барс", - додав Череватий. Він уточнив, що українські війська "зламали не якихось там "мобіків", а ламають досить потужну оборону. Там тривають жорстокі бої", - додав речник.
0
Абыр / адказаць
01.10.2022
Я ж говорю - не все. Но такого уж плотного окружения там не было. Кто хорошо стартанул - выскочил.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31