Знайсці
25.04.2024 / 08:29РусŁacБел

У СІЗА на Валадарскага перастаюць прымаць перадачы?

З 25 красавіка СІЗА № 1 на вуліцы Валадарскага ў Мінску спыняе прыём перадач для зняволеных, прычына — «расфарміраванне і пераезд следчага ізалятара», паведаміла 24 красавіка праваабарончая ініцыятыва Dissidentby.

СІЗА на Валадарскага. Фота: Радыё Свабода

Вязняў перавязуць у Магілеў і Жодзіна, а таксама ў новыя Калядзічы. Калі пачнуць прымаць перадачы і які адрас для лістоў, пакуль невядома.

Па інфармацыі dissidentby, як мінімум 42 палітычныя зняволеныя знаходзяцца на Валадарцы.

Размовы пра будаўніцтва новага будынку СІЗА пад Мінскам і перадачы Пішчалаўскага замка ў распараджэнне Менгарвыканкама, як паведамлялі медыя, вяліся яшчэ з канца 1990-х гадоў. Замак меўся быць адрэстаўраваны, а ўсё астатняе планавалася знесці. Новае СІЗА мусіла паўстаць у прамысловай зоне «Калядзічы», але ўвядзенне ў эксплуатацыю ўвесь час пераносілі.

Раней прадстаўнікі «Байпол» паведамлялі, што на будаўніцтва СІЗА-1 і рэспубліканскай агульнасаматычнай бальніцы ў 2023 годзе будзе выдаткавана больш як 52 млн рублёў (18,7 млн даляраў паводле планаванага сярэдняга курсу на 2023 год).

Чытайце таксама:

Былога інспектара мытні з-за стану здароўя судзілі на «Валадарцы»

Вацлаў Арэшка ў калоніі амаль аслеп

Ксенія Лебедзева прызнала, што адказы спявачкі Мэрыем у інтэрв'ю на Валадарцы перазапісвалі восем разоў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
0
Ого
0
Сумна
0
Абуральна
2
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера