Знайсці
18.04.2024 / 09:183РусŁacБел

У расійскім Орску ўзніклі вялікія праблемы з вадой з-за маштабнай паводкі

«Мы адчулі перабоі з вадой амаль ва ўсіх раёнах горада», — паведаміў мэр горада.

Паводка ў Орску. Фота: AP Photo

Мінулай ноччу ў Орску адключылася электразабеспячэнне аб'ектаў Кумакскага водазабору, з-за чаго ў горадзе знізілася падача вады, піша РБК.

«Істотнае зніжэнне падачы вады тлумачыцца адсутнасцю электразабеспячэння аб'ектаў водазабору гэтай ноччу. У гэты момант электразабеспячэнне аднаўляецца», — сказана ў паведамленні.

У «Аренбургэнерга» парушэнне электразабеспячэння водазабору патлумачылі падтапленнем лініі электраперадачы Орск вытворчага аддзялення. Сілкаванне часткі абсталявання перавялі на іншую лінію, вядуцца работы па ліквідацыі няспраўнасці.

«Мы адчулі перабоі з вадой амаль ва ўсіх раёнах горада», — паведаміў мэр Васілій Казупіца. У адным з раёнаў забяспечылі раздачу вады жыхарам з 70 ёмістасцяў аб'ёмам 1000 л, асобна ваду падвозяць у бальніцы, дзіцячыя сады і іншыя сацыяльныя ўстановы.

У пачатку красавіка ў Орску з-за ўздыму ўзроўню вады ў рацэ Урал прарвала ахоўную дамбу, пачалося затапленне некаторых раёнаў горада. Пік паводкі быў пройдзены 9 красавіка, казаў Казупіца. Узровень вады ў Орску на максімуме дасягнуў 975 см. былі падтоплены каля 7 тысяч дамоў.

Чытайце таксама:

Жыхары затопленага Орска выйшлі на мітынг з лозунгам «Пуцін, памажы!»

У расійскім Арэнбургу ўключылі сірэны і запатрабавалі эвакуявацца

Кадры выратавальнай аперацыі ката, які дрэйфаваў у зоне паводкі ля Арэнбурга

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
0
Ха-ха
1
Ого
1
Сумна
0
Абуральна
0
0
Спадар/адказаць/
18.04.2024
Оркі,а што здарылась?!;)))
18.04.2024
Спадар, гэта путлераўскае сво вярнулася на рабсію ў орск) Вось такая руzкая імперыя - ні вады, ні газу ў дамах у рэгіёнах, ні нармальных туалетаў, мабыць для гэтага ім патрэбна велічнасць, каб хоць неяк апраўдаць сваё ушчэрбнае існаванне.
18.04.2024
Orksk
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера