Знайсці
17.04.2024 / 08:57ŁacБел

У Брэсце затрымалі экс-бармэна. Ставяць у віну ўдзел у пратэстах у 2020 годзе

Тэлеграм-канал брэсцкага ГУБАЗіКа апублікаваў відэа пра затрыманне мужчыны.

Дзмітрый Лысюк. Фота: сацсеткі

Адзначым, што ў першай частцы відэа сілавікі ўварваліся ў кватэру і паклалі на падлогу кухні мужчыну ў чырвоных майтках (і на яго руках не відаць ніякіх тату). Затым сілавікі паказваюць такога ж чалавека, але ён ужо ляжыць у дзвярным праёме, голы — але ў шэрых трусах, а на правым перадплеччы мае вялікую чорную татуіроўку. Выглядае, што дадому сілавікі наляцелі як мінімум два разы (але калі быў першы раз — невядома), піша «Вясна».

Далей на відэа ён расказвае, што знаходзіўся на праезнай частцы на праспекце Машэрава (у Брэсце на паслявыбарных пратэстах). Узгадвае, што быў там са знаёмымі Лёшам, Колем і Валянцінай, якія ўжо затрыманы. Пасля абразання, варта фраза затрыманага: «запускалі салюты ў супрацоўнікаў» (пры гэтым з-за мантажу незразумела, гэта яго кампанія займалася салютамі ці людзі вакол запускалі іх).

Паводле «Медыязоны», затрыманы Дзмітрый Лысюк. Раней ён працаваў бармэнам у бары «Сумленная пінта» (ён жа Pinta Irish Pub).

Чытайце таксама:

Сілавікі прыйшлі ноччу шукаць Леаніда Судаленку ў яго гомельскай кватэры. Той тактоўна падказаў, дзе яго знайсці

Двух братоў затрымалі за тое, што яны «сігналячы, падтрымлівалі пратэсты». Вось што мы пра іх даведаліся

Затрымалі журналіста «Вячэрняга Бабруйска» 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
1
Ха-ха
0
Ого
0
Сумна
0
Абуральна
6
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031