Знайсці
15.04.2024 / 07:24РусŁacБел

Самалійскія піраты вызвалілі судна MV Abdullah. Яны сцвярджаюць, што атрымалі $5 мільёнаў выкупу

Грошы скінулі з паветра ў трох мяшках, пасля чаго 65 піратаў пакінулі судна на дзевяці лодках.

Фота: thefinancialexpress.com.bd

Самалійскія піраты вызвалілі судна MV Abdullah і 23 члены экіпажу пасля таго, як атрымалі выкуп 5 мільёнаў даляраў, піша Бі-бі-сі.

Грузавое судна, якое ходзіць пад сцягам Бангладэш, было захоплена ля ўзбярэжжа Самалі месяц таму, калі перавозіла вугаль з Мазамбіка ў Аб'яднаныя Арабскія Эміраты.

«Мы праверылі сапраўднасць купюр, падзялілі іх і сышлі», — цытуе Reuters аднаго з піратаў Абдзірашыда Юсуфа.

AFP піша са спасылкай на жонку капітана MV Abdullah Махамеда Абдур Рашыда, што грошы скінулі з паветра ў трох мяшках, пасля чаго 65 піратаў пакінулі судна на дзевяці лодках.

Уладальнік MV Abdullah, кампанія KSRM Group, заявіла, што судна і экіпаж былі вызваленыя пасля перамоваў.

«Мы заключылі здзелку з піратамі, — сказаў AFP прадстаўнік кампаніі Мізанул Іслам, адмовіўшыся казаць аб суме выкупу. — Усе члены экіпажа знаходзяцца ў бяспецы».

Пасля вызвалення судна адправілася ў ААЭ ў суправаджэнні двух ваенных караблёў.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
0
Ого
0
Сумна
0
Абуральна
6
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031